4 кастрычніка бібліятэку наведала дэлегацыя Латвійскай Рэспублікі на чале з намеснікам старшыні Сейма Латвіі Гундарсам Даўдзе.
Для ганаровых гасцей прайшла аглядная экскурсія па будынку бібліятэкі, у ходзе якой яны пазнаёміліся з гісторыяй установы, ацанілі тэхнічнае абсталяванне і мастацкае афармленне інтэр’ераў. Члены дэлегацыі наведалі Круглую залу, выставачныя галерэі, аглядную пляцоўку.
Удзельнікі латвійскай дэлегацыі пабывалі таксама на выстаўцы “Францыск Скарына і яго эпоха”, прысвечанай 500-годдзю беларускага кнігадрукавання. Экспазіцыя дае магчымасць пазнаёміцца з гісторыяй кніжнай культуры Беларусі і спадчынай беларускага першадрукара Францыска Скарыны, якая прадстаўлена арыгінальнымі выданнямі, надрукаванымі ў Празе і Вільні ў 1517–1525 гг., і шматтомным факсімільным выданнем “Кніжная спадчына Францыска Скарыны”.
На заканчэнне сустрэчы бакі абмяняліся памятнымі падарункамі.
