21 студзеня 2009 года ў ходзе афіцыйнага візіту ў Рэспубліку Беларусь Нацыянальную бібліятэку наведала парламенцкая дэлегацыя Фінляндскай Рэспублікі на чале са старшынёй Вярхоўнага камітэта Эдускунта Фінляндскай Рэспублікі Эркі Туаміойя.
У ходзе агляднай экскурсіі дырэктар Нацыянальнай бібліятэкі Беларусі Р.С. Матульскі пазнаёміў дэлегацыю з гісторыяй і рэсурсамі бібліятэкі, яе магчымасцямі як інфармацыйнага і сацыякультурнага цэнтра краіны. У Музеі кнігі Эркі Туаміойя пакінуў памятны запіс у Кнізе ганаровых гасцей.