17 студзеня 2009 года ў парку актыўнага адпачынку “Якуцкія горы” адбылося карпаратыўнае спартыўна-аздараўленчае свята Нацыянальнай бібліятэкі Беларусі.
Праграма мерапрыемства ўключала спаборніцтвы па стральбе і лыжных гонках. Кожны жадаючы мог пакатацца на сноўблейдах (надзіманых камерах), лыжах, сноўбордах, квадрацыклах і снегаходах, а таксама пастраляць з пнеўматычнай вінтоўкі і пісталета.
Па выніках спаборніцтваў лепшымі стралкамі сталі В.І. Белаус (1-е месца), Г.П. Юдзянкоў (2-е месца), В.М. Літошык (3-е месца), а ў лыжным забегу лепшыя вынікі паказалі А.С. Варанцоў (1-е месца), А.С. Філімонаў (2-е месца), А.А. Харытонаў (3-е месца).