ГалоўнаяНавіныНавіны Нацыянальнай бібліятэкі Беларусі
Запуск праекта па факсімільным перавыданні кніг Скарыны
Ранішнік “Навагоднія прыгоды”

Віртуальная чытальная зала запрашае да супрацоўніцтва

Іншыя навіны

Віртуальная чытальная зала Нацыянальнай бібліятэкі Беларусі (НББ) дае арганізацыям Рэспублікі Беларусь магчымасць атрымання доступу да электронных інфармацыйных рэсурсаў лепшых сусветных вытворцаў.


У 2014 годзе для сваіх партнёраў па віртуальнай чытальнай зале НББ прапаноўвае наступныя базы даных:

EBSCO – шматфункцыянальная пошукавая платформа, якая прадастаўляе магчымасць імгненнага доступу да сусветнай навуковай перыёдыкі ў электронным фармаце. У базах даных EBSCOhost прадстаўлены выданні Blackwell Publishing, Springer, Harward Business School, Taylor&Francis, Sage Publications і інш.

Карыстальнікам віртуальнай чытальнай залы даступны 11 баз даных.

“Інтэгрум” – найбуйнейшы ў свеце электронны архіў найбольш аўтарытэтных крыніц інфармацыі Расіі і краін СНД.

Ён змяшчае звыш 500 мільёнаў алічбаваных матэрыялаў з больш як 10 000 крыніц: паўнатэкставыя версіі цэнтральных і рэгіянальных СМІ, поўныя тэксты твораў рускай і замежнай літаратуры, вынікі аналітычных даследаванняў, каталогі прамысловай прадукцыі, дакументы Распатэнта і многае іншае.

Штодня ў “Інтэгрум” паступае звыш 40 000 дакументаў. Глыбіня архіва некаторых выданняў перавышае 10 гадоў. Дакументы ў базах даных прадстаўлены на рускай, украінскай і англійскай мовах.

Grebennikon – рускамоўная база даных, якая змяшчае 25 назваў электронных часопісаў Выдавецкага дома “Гребенников” па маркетынгу, менеджменце, фінансах. Уключае публікацыі па шырокім крузе тэм: структурны і стратэгічны менеджмент, фінансавы аналіз, кіраванне продажамі, кіраванне праектамі, планаванне інвестыцый, падатковае планаванне, кадравы менеджмент, інтэрнэт-маркетынг, рэклама і інш.

Базы даных East View Publications змяшчаюць поўныя тэксты цэнтральных і рэгіянальных газет Расіі, Украіны, краін СНД і Балтыі, а таксама стужкі навін сусветных інфармацыйных агенцтваў.

Карыстальнікам даступны поўныя тэксты найбольш аўтарытэтных часопісаў Расійскай акадэміі навук па грамадскіх і гуманітарных навуках, літаратурна-мастацкіх часопісаў, перыядычных выданняў па ваеннай тэматыцы і праблемах бяспекі, а таксама публікацыі афіцыйных дакументаў органаў дзяржаўнай улады Расійскай Федэрацыі, выданні Дзяржаўнага камітэта Расійскай Федэрацыі па статыстыцы, Міждзяржаўнага статыстычнага камітэта Садружнасці Незалежных Дзяржаў. Усе крыніцы поўнасцю адпавядаюць друкаванай версіі.

Карыстальнікам віртуальнай чытальнай залы даступны 12 баз даных.

Электронна-бібліятэчная сістэма IQlib змяшчае звыш 80 000 паўнатэкставых лічбавых версій друкаваных выданняў – падручнікаў, вучэбных дапаможнікаў, манаграфій. Прадстаўлены навуковыя і навукова-практычныя часопісы, выданні па тэхніцы, інфарматыцы, прыродазнаўчых, фізіка-матэматычных, грамадскіх і гуманітарных навуках.

GALE: Biography in Context – даведачна-інфармацыйная электронная база даных, якая змяшчае каля 1 млн запісаў пра выдатных людзей і іх дасягненні. Уключае больш за 600 000 біяграфій вучоных, акцёраў, спартсменаў і інш., створаных на аснове звыш 170 даведачных выданняў, інфармацыі з перыядычных выданняў, рукапісных тэкстаў, розных мультымедыйных матэрыялаў.

Сумесная праца НББ і іншых бібліятэк нашай краіны дазволіць на ўзаемавыгаднай аснове сфарміраваць падпіску на электронныя інфармацыйныя рэсурсы і будзе садзейнічаць арганізацыі інфармацыйнай прасторы Беларусі.

Кантакты:

Загадчык аддзела камплектавання электронных інфармацыйных рэсурсаў Лапо Вадзім Пятровіч.
Тэлефон: (8 017) 293 29 26.

Загадчыца сектара маніторынгу, набыцця і распаўсюджвання электронных інфармацыйных рэсурсаў Снігірова Алена Фёдараўна.
Тэлефон: (8 017) 293 27 51.

Навіны

23 Лют 2020

Усіх нас можна ўмоўна падзяліць на “чытачоў” і “гледачоў”. Звычайна тыя, хто спачатку прачытаў кнігу, рэдка бываюць задаволены экранізацыяй, маўляў, рэжысёр не передаў і паловы. А “глядач” кажа, што кнігі чытаць – час марнаваць: куды лепш паглядзець фільм. Прапаную параўнаць класічныя творы беларускай літаратуры з іх кінаверсіяй, каб усё ж такі зразумець, з чаго пачаць – з кнігі ці кінастужкі.

Навіны бібліятэк

Памiж iмпрэзай i шапiкам

22 Лют 2020

21 лютага мы адсвяткавалі Дзень роднай мовы. Некалi Вальтэр сказаў: “Усе найгалоўныя замежныя мовы можна вывучыць за шэсць гадоў, але для вывучэння сваёй недастаткова i цэлага жыцця”.

Навіны бібліятэк

Сустрэча з адвакатам аб захаванні інтарэсаў непаўналетніх пры разводзе і падзеле маёмасці

21 Лют 2020

20 лютага 2020 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Непаўналетнія: захоўваем інтарэсы пры разводзе і падзеле маёмасці”.

Навіны Нацыянальнай бібліятэкі Беларусі

22 лютага 1945 года. 77 дзён да Перамогі

22 Лют 2020

Налёты савецкай авіяцыі на гарады Германіі. Становішча ў Берліне. Падрыхтоўка да святкавання Дня Чырвонай арміі. Газета “Ленінская праўда” (Дзяржынскі раён) (№ 13).

Праект “100 дзён да Вялікай Перамогі. Па старонках беларускіх газет 1945 г.”

Пра дзень роднай мовы ў бібліятэцы даведаліся гледачы праграмы “Добрай раніцы, Беларусь!”

21 Лют 2020

У эфіры тэлеканала “Беларусь 1” намеснік генеральнага дырэктара Нацыянальнай бібліятэкі Беларусі Алена Далгаполава расказала пра тое, што падрыхтавалі супрацоўнікі “алмаза ведаў” да Міжнароднага дня роднай мовы.

Навіны Нацыянальнай бібліятэкі Беларусі

111