ГалоўнаяНавіныНавіны Нацыянальнай бібліятэкі Беларусі
Да 90-годдзя Уладзіміра Караткевіча: пяць фактаў пра фільм “Дзікае паляванне караля Стаха”
Агульны сход Бібліятэчнай асамблеі Еўразіі анлайн

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!
Іншыя навіны

25 лістапада на XXIV Агульным сходзе членаў некамерцыйнага партнёрства “Бібліятэчная асамблея Еўразіі” (БАЕ) прайшлі выбары прэзідэнта.

У сувязі з заканчэннем тэрміну паўнамоцтваў прынята адстаўка прэзідэнта Асамблеі Аляксандра Іванавіча Віслага, намесніка генеральнага дырэктара Расійскай дзяржаўнай бібліятэкі. Удзельнікі Сходу падзякавалі Аляксандру Іванавічу за добрую працу і супрацоўніцтва.

Па выніках праведзенага галасавання новым прэзідэнтам БАЕ абраны Раман Сцяпанавіч Матульскі, генеральны дырэктар Нацыянальнай бібліятэкі Беларусі.

Віцэ-прэзідэнтамі сталі Вадзім Валер’евіч Дуда, генеральны дырэктар расійскай дзяржаўнай бібліятэкі, і Уміда Алімджанаўна Цешабаева, дырэктар Нацыянальнай бібліятэкі Узбекістана імя А. Наваі.

Раман Сцяпанавіч падзякаваў калегам за давер і выказаў упэўненасць у далейшым узаемавыгадным супрацоўніцтве бібліятэк-партнёраў.

Таксама Р. С. Матульскі падзяліўся сваім бачаннем праблем Мадэльных рэкамендацый па вызначэнні адзіных падыходаў па пытанні абавязковага асобніка друкаванага выдання ў электроннай форме ў дзяржавах – удзельніцах СНД, падкрэсліўшы, што прыняцце Мадэльных рэкамендацый на ўзроўні СНД значна паскорыць аптымізацыю нацыянальнай заканадаўчай базы ў гэтым кірунку і будзе спрыяць стварэнню адзінай інфармацыйнай прасторы і фарміраванню нацыянальных электронных бібліятэк, новых магчымасцей для далейшага развіцця міжбібліятэчнага і міждзяржаўнага кнігаабмену.

Раман Сцяпанавіч пазначыў перспектыўныя напрамкі супрацоўніцтва бібліятэк БАЕ на перыяд 2021–2022 г.: мадэльная заканатворчасць для ўніфікацыі заканадаўства, якое датычыцца дакументальнай спадчыны ў электронным асяроддзі; стварэнне адзінай прасторы навуковых даследаванняў; правядзенне праграм абмену і павышэння кваліфікацыі супрацоўнікаў бібліятэк; распрацоўка адзіных падыходаў і абмен вопытам работы па фарміраванні паўнатэкставых баз даных і электроннай бібліятэкі і стварэнне адзінай інфармацыйнай прасторы на базе існуючых лічбавых бібліятэк; па фарміраванні рэсурсаў нацыянальных бібліятэк і праблемна-арыентаваных баз даных; абмен вопытам па арганізацыі абслугоўвання карыстальнікаў у асаблівых умовах або асаблівых груп карыстальнікаў.

Раман Сцяпанавіч таксама прапанаваў правесці ў пачатку наступнага года анлайн-форум нацыянальных бібліятэк Садружнасці, на пляцоўцы якога ўдзельнікі распавялі б пра вопыт арганізацыі абслугоўвання карыстальнікаў ва ўмовах пандэміі з прэзентацыяй лепшых практык за 2020 год.

Шчыра віншуем Рамана Сцяпанавіча з нагоды абрання на пасаду прэзідэнта Бібліятэчнай асамблеі Еўразіі!

Упэўнены, што талент і вопыт кіраўніка, бездакорнае служэнне бібліятэчнай справе адкрыюць новыя яркія старонкі біяграфіі Асамблеі.

Жадаем пазітыўнага настрою, падтрымкі каманды аднадумцаў, паўнаты сіл для паспяховай рэалізацыі ўсіх намечаных планаў!

Матэрыял пададзены аддзелам сувязей з грамадскасцю.

Навіны

26 Сту 2021

“Беларуская Энцыклапедыя імя Петруся Броўкі” па заказе і пры фінансавай падтрымцы Міністэрства інфармацыі Рэспублікі Беларусь выдала персанальную энцыклапедыю “Уладзімір Караткевіч”. Аддрукавана кніга ў 65, 45 улікова-выдавецкіх аркушаў тыражом 1 000 экзэмпляраў на ААТ “Паліграфкамбінат імя Якуба Коласа”.

Навіны бібліятэк

#BelBookChallenge прапануе: кніга, дзе ён яе кахае, а яна яго не

27 Сту 2021

BelBookChallenge працягвае адшукваць літаратуру для цікавага чытання! У гэты раз падрыхтуйце свае насоўкі і ўвесь запас суперажывання: наша тэма заўжды актуальная і знаходзіць водгук ў сэрцах літаральна кожнага чытача. Сёння мы падабралі для вас кнігі, дзе ён яе кахае, а яна яго не – і наадварот, бо мы за роўнасць ва ўсім. Нават ў неўзаемным каханні.

Блог прафесійнага чытача

Размешчана праграма навукова-практычнага семінара “Шляхамі маладнякоўцаў”

26 Сту 2021

27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).

Навіны Нацыянальнай бібліятэкі Беларусі

23 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Бібліятэкарам
111