3 верасня на віртуальнай пляцоўцы Нацыянальнай бібліятэкі Беларусі адбыўся навучальны анлайн-семінар для супрацоўнікаў абласных бібліятэк і бібліятэк рэгіёнаў, якія адказваюць за падключэнне да рэгіянальнага зводнага электроннага каталога (РЗЭК).
На сённяшні момант створаны 6 РЗЭК Брэсцкай, Віцебскай, Гомельскай, Гродзенскай, Мінскай і Магілёўскай абласцей, у склад якіх увайшлі 49 бібліятэчных устаноў культуры і адукацыі.
Мадэратар вэбінара Алена Іванаўна Ішуціна (загадчыца сектара падтрымкі сістэмы карпаратыўнай каталагізацыі) падрабязна распавяла аб працэсах падключэння бібліятэк да РЗЭК. Асаблівая ўвага была нададзена пытанням падрыхтоўкі кантэнту да загрузкі ў РЗЭК, наладзе працоўных месцаў супрацоўнікаў бібліятэкі для каталагізацыі ў РЗЭК.
У мерапрыемстве ўзялі ўдзел 46 спецыялістаў з 19 бібліятэк.
Матэрыял пададзены аддзелам бібліятэчна-інфармацыйных тэхналогій.
