4 верасня ў дзіцячым пакоі прайшлі заняткі “Цікава пачытаць” па кнізе Л. Даманскай “Дзецям аб прафесіях”.
Удзельнікі даведаліся, хто такі метэаролаг, што даследуе мікрабіёлаг, калі і як з’явіліся прафесіі праграміста, журналіста, пажарнага, бібліятэкара, цырульніка.
Юныя чытачы з цікавасцю паглядзелі яркія ілюстрацыі кнігі і пафантазіравалі, кім яны стануць у будучыні.
Дзеці з задавальненнем паўдзельнічалі ў гульнях “Назаві правільна” і “Хто згубіў?». Прыемным падарункам для іх стала размалёўка-загадка аб прафесіях.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
