10–11 чэрвеня ў Наваградскай раённай бібліятэцы адбыліся V Шчорсаўскія чытанні. Нацыянальная бібліятэка Беларусі прыняла ўдзел у навукова-практычным форуме.
Арганізатарамі канферэнцыі выступілі ўпраўленне культуры Гродзенскага аблвыканкама, аддзел культуры Наваградскага раённага выканаўчага камітэта, Гродзенская абласная навуковая бібліятэка імя Я.Ф. Карскага.
Праграма чытанняў была насычанай і цікавай, уключала даклады па даследаванні беларускіх кніжных помнікаў, а таксама адлюстроўвала стан і перспектывы працы публічных бібліятэк Гродзеншчыны, актуальныя пытанні бібліятэчнай справы.
У Шчорсаўскіх чытаннях прымалі ўдзел прадстаўнікі Нацыянальнай бібліятэкі, якія выступілі з навукова-метадычнымі дакладамі:
- Суша Аляксандр, намеснік генеральнага дырэктара – дырэктар па навуковай і выдавецкай дзейнасці,
“Шчорсаўская бібліятэка Храптовічаў: шляхі вяртання”;
- Карнілава Таццяна, загадчыца сектара арганізацыі і навуковай апрацоўкі фондаў навукова-даследчага аддзела кнігазнаўства,
“Дзяржаўны рэестр кніжных помнікаў Рэспублікі Беларусь”;
- Сапега Таццяна, загадчыца сектара навукова-праектнай работы навукова-даследчага аддзела кнігазнаўства,
“Кнігі, выдадзеныя ў Наваградку ў першай палове ХХ стагоддзя”.
Матэрыял пададзены навукова-даследчым аддзелам кнігазнаўства.