20 лістапада ў бібліятэцы адбылася ўрачыстая цырымонія ўзнагароджання пераможцаў раённага літаратурнага конкурсу “Дэбют”.
Конкурс праводзіцца адміністрацыяй Першамайскага раёна горада Мінска ўжо ў 18-ты раз. У спаборніцтве могуць браць удзел людзі ўсіх узростаў. Сёлета канкурсантам прапанавалі выявіць свае творчыя здольнасці ў рамках трох тэм, адна з якіх – “Нам гэты мір завешчана берагчы” – стала найбольш папулярнай з прычыны 70-й гадавіны Вялікай Перамогі.
Сярод удзельнікаў конкурсу, узнагароджаных дыпломамі і памятнымі падарункамі, былі вучні пачатковай школы і старэйшых класаў, таленавітыя супрацоўнікі Мінскага гадзіннікавага завода і работнікі ўніверсамаў, студэнты і аспіранты, пенсіянер і нават ваеннаслужачы.
З цёплымі пажаданнямі і сказанымі на будучае словамі павіншавалі ўдзельнікаў конкурсу члены журы – лаўрэат рэспубліканскіх і міжнародных прэмій у галіне культуры, супрацоўніца часопіса “Вясёлка” Раіса Баравікова, галоўны рэдактар гэтага выдання, вядомы дзіцячы пісьменнік Уладзімір Ліпскі, член Саюза пісьменнікаў Беларусі Віктар Праўдзін і паэтэса Валянціна Паліканіна.
Завяршылася сустрэча фатаграфаваннем прысутных і абмеркаваннем планаў на ўдзел у наступным конкурсе.
 |
 |
 |
 |
 |
 |
 |
