27 лістапада а 17-й гадзіне ў галерэі “Панарама” адбудзецца ўрачыстае адкрыццё выстаўкі акварэляў Уладзіміра Рынкевіча “Нізка пачуццяў”.
У экспазіцыі прадстаўлены 30 акварэляў мастака, якія можна назваць творчымі пошукамі двух апошніх гадоў. Большасць твораў яшчэ ні разу не пакідала майстэрню. Мастак прапануе гледачам увайсці ў сааўтарства з ім, далучыцца да віртуальнага стварэння вобразных кампазіцый, атрымаць радасць у пачуццёвым адчуванні колеравай гармоніі, пошуках дынамічных лінейна-пластычных рухаў, непаўторных фактур.
Уладзімір Рынкевіч – прадстаўнік Віцебскай школы акварэлі. Яго выстаўкі штогод уражваюць гледачоў на радзіме і ў замежжы. Творы мастака можна ўбачыць у шматлікіх мастацкіх музеях і галерэях Беларусі, у Музеі сучаснага мастацтва ў Нью-Йорку, мастацкіх галерэях Расіі, Польшчы і Літвы.
З 28 лістапада ўваход на выстаўку платны і складае кошт наведвання агляднай пляцоўкі.
Тэлефоны для даведак: (8 017) 293 27 56, 293 28 33.
Е-mail: pr@nlb.by