ГалоўнаяНавіныНавіны Нацыянальнай бібліятэкі Беларусі
Першае слова ў кожным лёсе
Прэс-канферэнцыя з нагоды Дня бібліятэк

Урачыстыя мерапрыемствы да Дня бібліятэк

Урачыстыя мерапрыемствы да Дня бібліятэк
Іншыя навіны

12 верасня ў Нацыянальнай бібліятэцы Беларусі прайшлі мерапрыемствы, прысвечаныя Дню бібліятэк.


Па традыцыі ў канферэнц-зале бібліятэкі адбылася святочная цырымонія ўручэння прэміі “Крышталь душы” па выніках конкурсу прафесійнага майстэрства, а на плошчы каля помніка Ф. Скарыне прайшоў урачысты мітынг.

На ўручэнні прэміі дырэктар Нацыянальнай бібліятэкі Беларусі Раман Матульскі выступіў з прывітальным словам, павіншаваў калектыў з прафесійным святам, а таксама адкрыў урачыстую цырымонію ўзнагароджання пераможцаў конкурсу. Самыя дастойныя супрацоўнікі, чые прафесійныя якасці, кампетэнтнасць і працавітасць павышаюць прэстыж абранай прафесіі, былі ўзнагароджаны дыпломамі.

У намінацыі “За вернасць прафесіі” ўзнагароджана бібліятэкар аддзела камплектавання фондаў Валянціна Ярмішкіна, 50 гадоў працоўнай дзейнасці якой спаўняецца сёлета.

Загадчыцу сектара аддзела бібліятэчнага абслугоўвання Тамару Багрыцэвіч, загадчыцу аддзела вядзення нацыянальнай базы даных аўтарытэтных запісаў Ларысу Бушыла, загадчыцу сектара аддзела кнігазахавання Эліну Леўчанка, загадчыцу сектара аддзела бібліятэчна-інфармацыйных тэхналогій Наталлю Шамко, загадчыцу сектара аддзела суправаджэння інтэрнэт-партала Алену Якавенка і загадчыка аддзела абслугоўвання цеплатэхнічнага і сантэхнічнага абсталявання Анатоля Яцушкевіча ўшанавалі ў намінацыі “За лідэрства і паспяховае кіраўніцтва”.

Званне “Лепшы па прафесіі” атрымалі галоўны бібліёграф аддзела індэксавання дакументаў Кацярына Дабравольская, галоўны бібліёграф навукова-даследчага аддзела бібліяграфіі Алена Касінская, вядучы інжынер-праграміст выдавецкага аддзела Дзяніс Макарэвіч, вядучы мастак выдавецкага аддзела Надзея Скарынка, галоўны бібліятэкар аддзела захавання часопісаў і выданняў з працягам Галіна Смаляга, вядучы інжынер дыспетчарскага аддзела Генадзь Сарокін і намеснік начальніка планава-эканамічнага аддзела Вольга Шацко.

Дыплом “За ўклад у развіццё бібліятэчнай справы” быў уручаны галоўнаму бібліёграфу аддзела карпаратыўнага ўзаемадзеяння Вользе Сабалеўскай.

Традыцыйна ў рамках святочнай цырымоніі віталі і маладых спецыялістаў, якія прыйшлі ў Нацыянальную бібліятэку з розных навучальных устаноў. У намінацыі “Лепшы малады спецыяліст” перамагла метадыст аддзела культурна-відовішчнай дзейнасці Вольга Бай.

Для гасцей на свяце выступілі “містэр акардэон” – Ігар Квашэвіч, выхаванцы харэаграфічнай школы № 1 г. Мінска Вераніка Хляўненка і Ягор Круг, іншыя артысты. Упрыгожаннем цырымоніі стала выступленне супрацоўнікаў бібліятэкі Наталлі Жывалкоўскай і Віктара Літошыка з лірычнай кампазіцыяй пра восень.

Дзякуючы пазітыўнаму тону мерапрыемства, які задалі вядучыя – супрацоўніца бібліятэкі Вольга Бай і шоумэн Іван Вабішчэвіч, – святочная сустрэча прайшла ў добразычлівай і цёплай атмасферы.

Па заканчэнні цырымоніі ўсе госці ўзялі ўдзел ва ўрачыстасці каля помніка Ф. Скарыне. З прывітальнымі словамі выступілі намеснік міністра культуры Рэспублікі Беларусь Васіль Чэрнік, першы намеснік начальніка галоўнага ўпраўлення ідэалагічнай работы, культуры і па справах моладзі Мінгарвыканкама Віталіна Рудзікава. Вядучы зачытаў віншаванне ад старшыні цэнтральнага камітэта Беларускага прафсаюза работнікаў культуры Наталлі Аўдзеевай. Дырэктар Нацыянальнай бібліятэкі Беларусі Раман Матульскі ўручыў маладым спецыялістам “Прафесійны кодэкс”, пасля чаго маладыя людзі ўсклалі кветкі да помніка Ф. Скарыне.

12 верасня адбылася прэс-канферэнцыя, прымеркаваная да Дня бібліятэк. Сустрэча была арганізавана Міністэрствам культуры Рэспублікі Беларусь і Нацыянальнай бібліятэкай Беларусі сумесна з Нацыянальным прэс-цэнтрам Рэспублікі Беларусь і прысвечана папулярызацыі чытання сярод беларускіх грамадзян.

З нагоды Дня бібліятэк Нацыянальная бібліятэка Беларусі падрыхтавала шэраг выставак. У музеі кнігі можна наведаць экспазіцыю “Бібліятэка ў часе і прасторы”, на якой галоўнымі экспанатамі сталі гравюры старадрукаваных выданняў XV–XVIII стст. У кальцавым калідоры 2-га паверха размешчана тэматычная кніжная выстаўка “Храмы часу, памяці, думкі”, дзе наведвальнікі змогуць пазнаёміцца з навуковымі і вучэбнымі выданнямі па гісторыі бібліятэк, інавацыях у бібліятэчным абслугоўванні і г.д. У галерэі “Ракурс” адкрылася II Рэспубліканская выстаўка мастацкай творчасці бібліятэкараў “Сам сабе мастак”. Работы, выкананыя таленавітымі супрацоўнікамі беларускіх бібліятэк, можна ўбачыць да 20 кастрычніка 2013 г.

Навіны

Шматлікія ўзоры традыцыйнага народнага мастацтва – у новым выданні “Жывая традыцыя рамёстваў Беларусі”

25 Май 2022

25 мая ў выставачным комплексе Нацыянальнай бібліятэкі, дзе размяшчаецца экспазіцыя “Жывыя крыніцы”, адбылася прэзентацыя кнігі “Жывая традыцыя рамёстваў Беларусі”.

Навіны Нацыянальнай бібліятэкі Беларусі

Знаёмства з Банкам звестак аб гісторыка-культурнай спадчыне Рэспублікі Беларусь

25 Май 2022

23 мая на базе Інстытута павышэння кваліфікацыі і перападрыхтоўкі кадраў Беларускага дзяржаўнага ўніверсітэта культуры і мастацтваў у рамках курса “Актуальныя пытанні аховы матэрыяльнай гісторыка-культурнай спадчыны” прайшла лекцыя пра Банк звестак аб гісторыка-культурнай спадчыне.

Навіны Нацыянальнай бібліятэкі Беларусі

Фотавыстава “Беларусь: цудоўныя імгненні” адкрылася ў Даўгаўпілсе

24 Май 2022

21 мая да 100-годдзя Нацыянальнай бібліятэкі Беларусі ў Цэнтры беларускай культуры ў Даўгаўпілсе адбылося адкрыццё фотавыставы “Беларусь: цудоўныя імгненні”, падрыхтаванай бібліятэкай сумесна з тэлеканалам “Беларусь 24”.

Навіны Нацыянальнай бібліятэкі Беларусі

Да 125-годдзя з дня нараджэння вядомага беларускага бібліёграфа Юліі Іосіфаўны Бібіла

25 Май 2022

26 мая а 15-й гадзіне адбудзецца мерапрыемства, прымеркаванае да 100-годдзя Нацыянальнай бібліятэкі Беларусі і юбілею з дня нараджэння аднаго з найбольш яркіх яе прадстаўнікоў Ю.І. Бібіла (1897–1974).

Да 100-годдзя Нацыянальнай бібліятэкі Беларусі

Асоба і спадчына Язэпа Пушчы: сучаснае прачытанне

23 Май 2022

20 мая ў Нацыянальнай бібліятэцы Беларусі адбыўся круглы стол “Адысея Язэпа Пушчы”, прымеркаваны да 120-годдзя з дня нараджэння беларускага пісьменніка, сябра літаратурнага аб’яднання “Маладняк”.

Да 100-годдзя літаб'яднання "Маладняк"

“Цікава пачытаць”: кніга “Эвристические сказки. Обучение через открытие. Приключения Лисёнка и его друзей”

23 Май 2022

21 мая ў дзіцячым пакоі прайшлі заняткі “Цікава пачытаць” па кнізе Андрэя Караля і Кацярыны Вараб’ёвай “Эвристические сказки. Обучение через открытие. Приключения Лисёнка и его друзей”.

Навіны Нацыянальнай бібліятэкі Беларусі

Размова з адвакатам аб адказнасці за дзеянні ў сацыяльных сетках

20 Май 2022

19 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавала і праведзена штомесячная тэматычная сустрэча з адвакатам “Адказнасць за дзеянні ў сацыяльных сетках (каментарыі, лайкі, рэпосты)”.

Навіны Нацыянальнай бібліятэкі Беларусі

Яе называлі беларускім Траццяковым

22 Май 2022

22 мая спаўняецца 115 гадоў з дня нараджэння Алены Васільеўны Аладавай (1907–1986), заслужанага дзеяча мастацтваў БССР, даследчыка, збіральніка, захавальніка і прапагандыста высокіх духоўных каштоўнасцей, якая трэць стагоддзя ўзначальвала галоўны мастацкі музей нашай краіны.

Па старонках беларускага календара

Бібліятэкарам