15 верасня ў рамках IX Міжнароднага кангрэса “Бібліятэка як феномен культуры”, прысвечанага 100-годдзю Нацыянальнай бібліятэкі Беларусі, адбыўся XXVI Агульны сход членаў некамерцыйнага партнёрства “Бібліятэчная асамблея Еўразіі” (БАЕ).
У пасяджэнні ўзялі ўдзел кіраўнікі і вядучыя спецыялісты нацыянальных і дзяржаўных бібліятэк Азербайджана, Арменіі, Казахстана, Кыргызстана, Расіі і Узбекістана.
Удзельнікі сходу абмеркавалі бягучую дзейнасць БАЕ, кадравыя пытанні і рэалізацыю сумесных ініцыятыў у найбліжэйшыя гады. З мэтай развіцця агульнай культурнай прасторы бібліятэк дзяржаў – удзельніц СНД калегі абмеркавалі таксама праект “Залатая калекцыя Еўразіі”, зацвердзілі заснаванне грамадскай узнагароды БАЕ і прынялі перспектыўны план развіцця БАЕ на перыяд 2023–2025 гадоў.
Матэрыял пададзены аддзелам сувязей з грамадскасцю.