ГалоўнаяНавіныНавіны Нацыянальнай бібліятэкі Беларусі
Саміт “Праблемы сацыяльнага прадпрымальніцтва ў Еўропе”
“Жаль мой светлы – маміна песня”

У Францыі выдадзена кніга па дакументах з фонду Нацыянальнай бібліятэкі Беларусі

У Францыі выдадзена кніга па дакументах з фонду Нацыянальнай бібліятэкі Беларусі
Іншыя навіны

У Францыі ў канцы 2015 г. выйшла з друку кніжная навінка, заснаваная на карэспандэнцыі французскага афіцэра напалеонаўскай арміі.


Арыгіналы апублікаваных у кнізе лістоў часткова захоўваюцца ў фондзе Нацыянальнай бібліятэкі Беларусі, а часткова – у прыватнай калекцыі ў Францыі.

Кніга мае назву “Шарль Філіп Фіт дэ Сусі (1776–1813): лісты напалеонаўскага афіцэра…” (Charles-P. Fitte de Soucy (1776–1813): Lettres d'un officier Napoléonien...).

Шарль паходзіць са старажытнага дваранскага роду, блізкага да каралеўскага двара: яго дзед быў маршалам, бацька – генералам, маці – гувернанткай каралеўскіх дзяцей. Пасля рэвалюцыі 1789 года сям’я страціла ўсё і была вымушана шукаць сродкі для існавання. Так Шарль стаў афіцэрам напалеонаўскага войска і прайшоў за 1805–1812 гады Аўстрыю, Польшчу, Прусію, Іспанію, Германію. Вайна 1812 года стала яго апошнім выпрабаваннем: Шарль здолеў выжыць падчас адступлення праз Беларусь, але ў навагоднюю ноч 1813 года ўсё ж памёр пры загадкавых абставінах у Караляўцы (Кёнігсбергу).

Кніга прапаноўвае поўныя тэксты дзевяноста пісем на мове арыгіналу, адрасаваных Жазефіне – жонцы Шарля. Яны шчыра і эмацыйна апавядаюць пра прыгоды маладога афіцэра на вайсковых шляхах Еўропы. Адзначым, што Шарль служыў ад’ютантам генералаў М.-А. Бамона, Ф.-Э. Келермана і П. Вацье, гэта прынесла яму шмат знакавых сустрэч, а яго лісты сталі надзвычай цікавай гістарычнай крыніцай. Усе згаданыя ў перапісцы асобы адлюстраваны ў алфавітным паказальніку (130 пазіцый). Кніга таксама змяшчае дадатак біяграфічнага характару.

Аўтары кнігі – кандыдат гістарычных навук, дацэнт Інстытута бізнесу і менеджменту тэхналогій Беларускага дзяржаўнага ўніверсітэта Анатоль Мікалаевіч Сцебурака (Мінск, Беларусь) і гісторык, аматар генеалогіі Франсуаза-Альбярціна Мас (Парыж, Францыя).

Кніга паступіла ў фонд Нацыянальнай бібліятэкі Беларусі.

Навіны

Лекцыя-канцэрт “Анталогія нацыянальнай харавой спадчыны”

26 Кра 2024

25 красавіка ў галерэі “Лабірынт” адбылася заключная ў сезоне 2023–2024 гг. інтэрактыўная лекцыя-канцэрт з цыкла “Музычная спадчына Беларусі ў прасторы сучаснай культуры”.

Навіны Нацыянальнай бібліятэкі Беларусі

Небывалы аншлаг васьмікласнікаў ДУА "Сярэдняя школа № 62 г. Мінска" ў зоне каталогаў і картатэк

26 Кра 2024

23 красавіка для навучэнцаў 8 класа СШ № 62 адбыўся бібліяграфічны ўрок "Брэсцкая крэпасць-герой" з цыкла заняткаў "Пастараемся ж і мы быць дастойнымі іх Вялікай Перамогі", якія рэалізуюцца Нацыянальнай бібліятэкай Беларусі да 80-годдзя Вялікай Перамогі сумесна з упраўленнямі па адукацыі. Мінска.

Навіны Нацыянальнай бібліятэкі Беларусі

Сны aб Беларусі ў Нацыянальнай бібліятэцы

25 Кра 2024

25 красавіка ў бібліятэцы адбылoся адкрыццё выстаўкі “Сны аб Беларусі”, прымеркаванай да 80-годдзя вызвалення Беларусі ад нямецка-фашысцкіх захопнікаў і 85-годдзя з дня нараджэння Васіля Шаранговіча.

Навіны Нацыянальнай бібліятэкі Беларусі

Майстры беларускай культуры. Уладзімір Саўчык

25 Кра 2024

Культурна-асветніцкая акцыя “Майстры беларускай культуры. Уладзімір Саўчык», якая прайшла 23 красавіка, стала працягам святкавання Сусветнага дня кнігі і аўтарскага права ў Нацыянальнай бібліятэцы Беларусі.

Навіны Нацыянальнай бібліятэкі Беларусі

Мінская гарадская канферэнцыя “На фронце і ў тыле: жанчыны Вялікай Айчыннай вайны”

25 Кра 2024

Старшыня пярвічнай арганізацыі грамадскага аб’яднання “Беларускі саюз жанчын” Нацыянальнай бібліятэкі Беларусі Наталля Есіс узяла ўдзел у Мінскай гарадской канферэнцыі “На фронце і ў тыле: жанчыны Вялікай Айчыннай вайны” (19 красавіка), прымеркаванай да знакавай даты – 80-годдзя вызвалення Беларусі ад нямецка-фашысцкіх захопнікаў.

Навіны Нацыянальнай бібліятэкі Беларусі

Адам Шаняўскі і бібліятэчны фонд павятовай школы Нясвіжа (апошняя чвэрць XVIII ст.)

25 Кра 2024

24 красавіка на Міжнароднай навукова-практычнай канферэнцыі “Румянцаўскія чытанні – 2024” у Маскве галоўны бібліёграф аддзела даведачна-інфармацыйнага абслугоўвання Вольга Палунчанка прадставіла даклад “Роля Адама Шаняўскага ў арганізацыі бібліятэчнага фонду Нясвіжскай павятовай школы (апошняя чвэрць XVIII ст.)”.

Навіны Нацыянальнай бібліятэкі Беларусі

Бібліятэкарам