25 студзеня ў Нацыянальнай бібліятэцы Беларусі адбудзецца 44-ты Міжнародны саміт на тэму “Праблемы сацыяльнага прадпрымальніцтва ў Еўропе” (Social Entrepreneurship – European Challenge).
Саміт арганізуе ўстанова адукацыі “Прыватны інстытут кіравання і прадпрымальніцтва” сумесна з прыватнай установай адукацыі “Fil. Dr. Jan-U. Sandal Institute” (г. Фінстад’ёрдэт, Каралеўства Нарвегія) і Нацыянальнай бібліятэкай нашай краіны.
У мерапрыемстве плануецца ўдзел беларускіх і замежных дзеячаў навукі і адукацыі, бібліятэчнай сферы, студэнтаў, прадпрымальнікаў, а таксама прадстаўнікоў шырокай грамадскасці.
Правядзенне чарговага саміту будзе спрыяць развіццю інфармацыйна-рэсурснай базы бібліятэк, умацаванню навуковага і адукацыйнага патэнцыялу, распаўсюджванню перадавога міжнароднага вопыту ў сферы сацыяльнага прадпрымальніцтва, а таксама павышэнню эфектыўнасці кіравання сацыяльнымі праектамі.