29 верасня ў Нацыянальнай бібліятэцы прэзентавалі сумесны кітайска-беларускі праект – зборнік “Репрезентация современного искусства”.
Гэта першы, выдадзены ў Рэспубліцы Беларусь, калектыўны зборнік навуковых артыкулаў грамадзян КНР, якія атрымалі званне магістраў мастацтва ў Беларускай дзяржаўнай акадэміі мастацтваў. Усе аўтары паспяхова працуюць у Кітаі.
У зборнік увайшлі 15 навуковых артыкулаў, прысвечаных актуальным пытанням мастацка-стылістычнай і тэматычнай эвалюцыі сучаснага мастацтва.
Асаблівая ўвага нададзена праблеме фарміравання кітайскіх наватарскіх школ, іх месцу ў еўразійскай і сусветнай культурнай прасторы, а таксама ў сучаснай сістэме духоўных каштоўнасцей.
Выданне адрасавана спецыялістам у галіне праблем мастацтвазнаўства і чытачам, якія цікавяцца праблемамі сучаснага мастацтва.
Матэрыял пададзены аддзелам сувязей з грамадскасцю.