8 снежня ў бібліятэцы адбыўся рэспубліканскі семінар па пытаннях прыцягнення інвестараў і аднаўлення гісторыка-культурных каштоўнасцей, іх уключэння ў эканамічны абарот.
У мерапрыемстве ўзялі ўдзел кансультант аддзела арганізацыі аховы і ўліку гісторыка-культурных каштоўнасцей упраўлення па ахове гісторыка-культурнай спадчыны Міністэрства культуры Рэспублікі Беларусь Генадзь Ходар, начальнік галоўнага ўпраўлення распараджэння маёмасцю Дзяржаўнага камітэта па маёмасці Рэспублікі Беларусь Ірына Цяглова, намеснік начальніка Галоўнага ўпраўлення інвестыцыйнай палітыкі – начальнік упраўлення дзяржаўнай палітыкі па прыцягненні інвестыцый Міністэрства эканомікі Рэспублікі Беларусь Аляксандр Адзінец, намеснік начальніка аддзела “Цэнтр дзяржаўна-прыватнага партнёрства” Нацыянальнага агенцтва інвестыцый і прыватызацыі Таццяна Чыжык, спецыялісты па інвестыцыях, эксперты па арганізацыі аховы і ўліку гісторыка-культурных каштоўнасцей, супрацоўнікі ўстаноў культуры, міністэрстваў і ведамстваў.
Падчас нарады былі разгледжаны новаўвядзенні ў заканадаўства па выкарыстанні і аднаўленні матэрыяльных гісторыка-культурных каштоўнасцей, спрашчэнні парадку рамонтна-рэстаўрацыйных работ, а таксама пытанні іх ацэнкі пры рэалізацыі інвестыцыйных праектаў. Асаблівую ўвагу ўдзельнікі надалі рэалізацыі планаў аблвыканкамаў і Мінгарвыканкама на 2022–2025 гады па ўключэнні ў гаспадарчы абарот нявыкарыстаных і нерухомых матэрыяльных гісторыка-культурных каштоўнасцей, механізмам стымулявання і спосабам ажыццяўлення інвестыцый, падрыхтоўцы інфармацыйна-графічных матэрыялаў інвестыцыйных праектаў для інфармавання патэнцыяльных інвестараў.
Матэрыял пададзены аддзелам сувязей з грамадскасцю.