8 снежня адбылася ўрачыстая цырымонія перадачы кніг Беларускага прафсаюза работнікаў мясцовай прамысловасці і камунальна-бытавых прадпрыемстваў у дар Нацыянальнай бібліятэцы Беларусі.
Бібліятэчную калекцыю папоўнілі больш за 100 выданняў, сярод якіх – прафесійная літаратура ў галіне прамысловасці і камунальнай гаспадаркі; кнігі, якія адлюстроўваюць пытанні архітэктуры грамадзянскіх і прамысловых будынкаў і навакольнага асяроддзя; даведачна-энцыклапедычныя выданні, якія раскрываюць развіццё прафсаюзнага руху Беларусі на розных этапах гісторыі; прэзентацыйныя выданні камунальных вытворчых прадпрыемстваў Беларусі.
У мерапрыемстве ўзялі ўдзел міністр жыллёва-камунальнай гаспадаркі Рэспублікі Беларусь Андрэй Хмель, старшыня Беларускага прафсаюза работнікаў мясцовай прамысловасці і камунальна-бытавых прадпрыемстваў Юрый Дарагакупец, намеснік генеральнага дырэктара Нацыянальнай бібліятэкі Беларусі Віктар Пшыбытка, прадстаўнікі СМІ, супрацоўнікі бібліятэкі.
Урачыстая цырымонія адбылася ў рамках праекта “Летапіс працоўнай славы і прафсаюзных традыцый”, прысвечанага Году гістарычнай памяці.
Матэрыял пададзены аддзелам сувязей з грамадскасцю.