Для карыстальнікаў Нацыянальнай бібліятэкі Беларусі і арганізацый – партнёраў па віртуальнай чытальнай зале адкрыты тэставы доступ да электроннай бібліятэкі MYBRARY.
MYBRARY – паўнатэкставая база даных кніг па эканоміцы, праве, кіраванні, маркетынгу і сумежных тэмах. Рэсурс змяшчае якасную падборку вучэбнай і публіцыстычнай літаратуры на рускай (у асноўным) і англійскай мовах, а таксама папулярныя дзелавыя кнігі: мемуары выдатных асоб, “сакрэты поспеху” ад вядомых прадпрымальнікаў, парады і рэкамендацыі бізнес-экспертаў і фінансавых аналітыкаў, дапаможнікі па развіцці практычных навыкаў. Як правіла, гэта перакладныя выданні, якія паспелі заваяваць папулярнасць за мяжой і выдадзены ў Расіі вядучымі выдавецтвамі.
У рамках тэставага доступу для чытання адкрыты поўныя тэксты каля 2 000 выданняў.
Доступ арганізаваны па 09.12.2013.
Для карыстальнікаў арганізацый-партнёраў доступ ажыццяўляецца праз віртуальную чытальную залу Нацыянальнай бібліятэкі Беларусі.
