4 чэрвеня ў дзіцячым пакоі прайшло святочнае мерапрыемства, прысвечанае Міжнароднаму дню аховы дзяцей “Свет дзяцінства – самы лепшы свет”.
Хлопчыкі і дзяўчаткі весела і дружна падарожнічалі на ўяўным паравозіку. На кожнай станцыі дзяцей чакалі займальныя конкурсы, вясёлыя гульні і разгадванне крыжаванкі. Паспяхова справіўшыся з заданнямі, усе ўдзельнікі мерапрыемства атрымалі прызы.
За час, праведзены ў дзіцячым пакоі, маленькія ўдзельнікі паспелі пасябраваць, павадзіўшы карагод дружбы і стварыўшы яркіх і вясёлых чалавечкаў у выглядзе аб’ёмнай карцінкі.
Чытайце таксама пра іншыя мерапрыемствы, якія праходзяць у дзіцячым пакоі.
Тэлефон для даведак: (8 017) 293 25 34.
Матэрыял прадастаўлены аддзелам запісу і інфармавання карыстальнікаў.