6 сакавіка ў Міністэрстве замежных спраў Рэспублікі Беларусь адбылося пасяджэнне Нацыянальнай камісіі па справах ЮНЕСКА пад кіраўніцтвам міністра замежных спраў Рэспублікі Беларусь, старшыні Нацыянальнай камісіі Уладзіміра Макея.
Падчас пасяджэння У. Макей уручыў дыпломы Нацыянальнай камісіі прадстаўнікам сферы адукацыі, культуры і моладзевага руху.
За значны ўклад у папулярызацыю беларускай культурнай спадчыны і актыўную дзейнасць у сферы міжнароднага гуманітарнага супрацоўніцтва ўзнагароды былі ўдастоены супрацоўнікі Нацыянальнай бібліятэкі Беларусі – начальнік сацыякультурнага цэнтра Радміла Букач і загадчыца сектара міжнародных сувязей аддзела сувязей з грамадскасцю Марына Вальчак.
Калектыў ад усёй душы віншуе калег з высокімі ўзнагародамі і жадае моцнага здароўя, творчага натхнення, далейшых поспехаў у працы, шчасця і дабрабыту!
Матэрыял прадастаўлены аддзелам сувязей з грамадскасцю.
