У музеі кнігі для школьнікаў была арганізавана інтэрактыўная віктарына, падчас якой вучні 7 “А” класа Свіслацкай сярэдняй школы імя А.Р. Чарвякова адказвалі на пытанні з дапамогай сваіх смартфонаў.
Не сакрэт, што смартфон сёння – важная частка жыцця сучаснага чалавека. З аднаго боку, мэта музеяў “выцягнуць” дзяцей са смартфонаў і “акунуць” у рэальную культурную прастору. З іншага боку, правільнае выкарыстанне тэхналогій можа зрабіць музеі і музейныя заняткі больш прывабнымі.
Тры каманды спаборнічалі за званне знаўцы-кнігазнаўцы. Усе з цікавасцю прынялі ўдзел і такім чынам паўтарылі атрыманую падчас заняткаў інфармацыю пра бібліятэку і гісторыю беларускай кнігі. Тэхналогіі толькі ўзмацнілі ўражанне ад візіту ў бібліятэку і музей кнігі.
Музейныя заняткі арганізаваны ў рамках праекта “У госці да кніг”.
Матэрыял прадастаўлены навукова-даследчым аддзелам кнігазнаўства.
