20 красавіка адбыўся семінар "Рэсурсы віртуальнай чытальнай залы Нацыянальнай бібліятэкі Беларусі ў сістэме інфармацыйнага забеспячэння эканамічнай дзейнасці".
Нацыянальная бібліятэка і кампанія “EBSCO Information Services” падрыхтавалі і правялі семінар у Навукова-даследчым эканамічным інстытуце Міністэрства эканомікі Рэспублікі Беларусь для навуковых супрацоўнікаў і работнікаў бібліятэкі НДЭІ.
Спецыялісты аддзела карпаратыўнага ўзаемадзеяння Нацыянальнай бібліятэкі Марына Рудакоўская і Руслан Доўгі пазнаёмілі прадстаўнікоў інстытута з рэпертуарам і зместам рэсурсаў віртуальнай чытальнай залы, прапанаваных для інфармацыйнага забеспячэння эканамічнай дзейнасці.
Для ўдзельнікаў семінара таксама быў арганізаваны трэнінг па выкарыстанні ў навукова-даследчай працы баз даных EBSCO на платформе EBSCOhost. Яго правёў Андрэй Сакалоў, дырэктар па рэгіянальным развіцці ў Расіі, Беларусі і Малдове кампаніі “EBSCO Information Services”.