2–3 сакавіка ў Гомельскай абласной універсальнай бібліятэцы імя У.І. Леніна адбыўся семінар “Бібліятэкі Гомельскай вобласці ў сучасных умовах: вынікі і перспектывы”.
На мерапрыемстве кіраўнікі бібліятэк падвялі вынікі працы ў 2020 годзе, прааналізавалі выкананне прагнозных паказчыкаў, пазначылі прыярытэты на 2021 год.
Загадчыца навукова-даследчага аддзела бібліятэказнаўства Нацыянальнай бібліятэкі Беларусі Марына Пшыбытка прадставіла ўдзельнікам відэадаклад “Публічныя бібліятэкі Беларусі на мяжы пяцігодак”, у якім прадэманстравала вынікі дзейнасці публічных бібліятэк краіны ў 2016–2020 гадах і акрэсліла асноўныя задачы, пазначаныя ў дзяржаўнай праграме “Культура Беларусі” на 2021–2025 гады.
Матэрыял падрыхтаваны навукова-даследчым аддзелам бібліятэказнаўства.
Фота з сайта Гомельскай абласной універсальнай бібліятэкі імя У.І. Леніна.