ГалоўнаяНавіныНавіны Нацыянальнай бібліятэкі Беларусі
Шчаслівы дар
Падрыхтавана да друку кніга “Скарбы зямлі беларускай”

Семінар аб рэалізацыі палажэнняў Маракешскага дагавора

Семінар аб рэалізацыі палажэнняў Маракешскага дагавора
Іншыя навіны

22 кастрычніка ў межах VIII Міжнароднага кангрэса “Бібліятэка як феномен культуры” адбудзецца семінар “Рэалізацыя Рэспублікай Беларусь палажэнняў Маракешскага дагавора аб палягчэнні доступу сляпых і асоб з парушэннямі зроку ці іншымі абмежаванымі здольнасцямі ўспрымаць друкаваную інфармацыю да апублікаваных твораў”.

Арганізатарамі мерапрыемства з’яўляюцца Сусветная арганізацыя інтэлектуальнай уласнасці, Нацыянальны цэнтр інтэлектуальнай уласнасці Рэспублікі Беларусь і Нацыянальная бібліятэка Беларусі.

Маракешскі дагавор аб палягчэнні доступу сляпых і асоб з парушэннямі зроку ці іншымі абмежаванымі здольнасцямі ўспрымаць друкаваную інфармацыю да апублікаваных твораў для Рэспублікі Беларусь уступіў у сілу 22 кастрычніка 2020 года. Яго галоўная задача – устанавіць абмежаванні і выключэнні адносна аўтарскіх праў у інтарэсах асоб з парушэннямі зроку і іншымі фізічнымі асаблівасцямі, якія не дазваляюць трымаць кнігу або карыстацца ёй. Змены ў аўтарскія правы ўносяцца з мэтай узнаўлення апублікаваных твораў у даступных фарматах, іх распаўсюджвання і трансгранічнага абмену гэтымі творамі, які маюць права ажыццяўляць упаўнаважаныя органы. У Беларусі ў якасці ўпаўнаважаных органаў вызначаны бібліятэкі, установы адукацыі і грамадскія аб’яднанні інвалідаў.

У межах семінара плануюцца выступленні прадстаўнікоў Сусветнай арганізацыі інтэлектуальнай уласнасці, Нацыянальнага цэнтра інтэлектуальнай уласнасці Рэспублікі Беларусь, Нацыянальнай бібліятэкі Беларусі, глабальнага кніжнага сэрвісу Кансорцыума даступных кніг (ABC), некамерцыйнай арганізацыі “Электронная інфармацыя для бібліятэк”, а таксама супрацоўнікаў іншых бібліятэк і выкладчыкаў, якія вучаць невідушчых студэнтаў.

Семінар пройдзе ў двух фарматах – вочным і анлайн.

Для ўдзелу ў мерапрыемстве неабходна да 20 кастрычніка 2021 года прайсці рэгістрацыю.

Матэрыял пададзены аддзелам бібліятэчнага абслугоўвання.

Навіны

Міжнародная навукова-практычная канферэнцыя “XVIII Дзянісьеўскія чытанні”

28 Кас 2021

28–29 кастрычніка ў г. Арол (Расійская Федэрацыя) праходзіць Міжнародная навукова-практычная канферэнцыя “XVIII Дзянісьеўскія чытанні”, арганізатарамі якой з’яўляюцца Арлоўская абласная навуковая ўніверсальная публічная бібліятэка імя І.А. Буніна і Арлоўскі дзяржаўны інстытут культуры. Канферэнцыя праводзіцца ў рамках мерапрыемстваў да Года навукі і тэхналогій у Расійскай Федэрацыі.

Навіны Нацыянальнай бібліятэкі Беларусі

Размова з адвакатам “Іпатэчнае жыллёвае крэдытаванне і іншыя новаўвядзенні пры будаўніцтве жылля”

28 Кас 2021

26 кастрычніка Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Іпатэчнае жыллёвае крэдытаванне і іншыя новаўвядзенні пры будаўніцтве жылля”.

Навіны Нацыянальнай бібліятэкі Беларусі

Метадычнае суправаджэнне дзейнасці публічных бібліятэк

27 Кас 2021

27 кастрычніка ў Магілёўскай абласной бібліятэцы імя У.І.Леніна адбыўся семінар “Маркетынг у сучаснай бібліятэцы: новыя магчымасці і тэхналогіі” для кіраўнікоў і спецыялістаў раённых і гарадскіх цэнтральных бібліятэк Магілёўскай вобласці.

Навіны Нацыянальнай бібліятэкі Беларусі

Алесь Разанаў: невядомая велічыня

28 Кас 2021

Беларускі калегіум запрашае на анлайн-мерапрыемства “Алесь Разанаў: невядомая велічыня”, у якім возьмуць удзел Валянцін Акудовіч, Ігар Бабкоў, Тацяна Вадалажская, Сяргей Дубавец, Ірына Дубянецкая, Мікола Матрунчык, Генадзь Сагановіч, Сяржук Сокалаў-Воюш і іншыя.

Навіны бібліятэк

27 Кас 2021

“Белпошта” выпусціла ў абарачэнне маркіраваны канверт, прысвечаны Міхасю Чароту (Міхаілу Сымонавічу Кудзельку, 1896–1937) – беларускаму паэту, празаіку, драматургу, публіцысту, грамадскаму і культурнаму дзеячу.

Да 100-годдзя літаб'яднання "Маладняк"

Бібліятэкарам