15–16 красавіка адбылася дзелавая сустрэча дырэктараў бібліятэчных сетак Магілёўскай вобласці "Сацыякультурная і інфармацыйная дзейнасць бібліятэк: аналіз, вынікі, дасягненні".
Падчас мерапрыемства, якое было арганізавана на базе Магілёўскай абласной бібліятэкі імя У.І. Леніна, быў дадзены аналіз стану публічных бібліятэк Магілёўскай вобласці ў 2009 годзе, адзначаны іх дасягненні ў сацыякультурнай і інфармацыйнай дзейнасці, агучаны праблемы і пытанні дзейнасці бібліятэк па многіх кірунках і вызначаны перспектывы на бягучы год.
Нацыянальную бібліятэку Беларусі на дзелавой сустрэчы дырэктараў бібліятэчных сетак Магілёўскай вобласці прадставіла загадчыца сектара навукова-даследчага аддзела бібліятэказнаўства Замаева Н.М., якая выступіла з дакладам "Стан і перспектывы развіцця публічных бібліятэк Рэспублікі Беларусь" і адказала на пытанні ўдзельнікаў, якія тычыліся нарматыўна-прававога забеспячэння дзейнасці бібліятэк і канцэпцыі іх развіцця на перыяд да 2015 г.