ГалоўнаяНавіныНавіны Нацыянальнай бібліятэкі Беларусі
Нябачныя для ўсіх анёлы…
Візіт у Германію

Прэзентацыя зборніка “Калекцыянер”

Прэзентацыя зборніка “Калекцыянер”
Іншыя навіны

11 снежня ў Нацыянальнай бібліятэцы Беларусі адбылася прэзентацыя зборніка “Калекцыянер” Выдавецкага дома “Звязда”.


Ідэя выдання зборніка “Калекцыянер” належыць Уладзіміру Зяньковічу і Дзмітрыю Гулецкаму. Мэта зборніка – паказаць, што і сёння ў нашай краіне існуе высокая культура калекцыйнай справы.

Выданне змяшчае артыкулы даследчыкаў і калекцыянераў па беларускай нумізматыцы, картаграфіі, баністыцы, філатэліі са старажытных часоў да нашых дзён. Зрабілі гэтую кнігу, багата ілюстраваўшы свае даследаванні, калекцыянеры розных краін – Беларусі, ЗША, Польшчы, Літвы, Вялікабрытаніі. Усіх аб’яднала цікавасць да калекцыйных вышукаў у сувязі з гісторыяй Беларусі і Вялікага Княства Літоўскага.

“Прыемна, што фонды бібліятэкі папоўніліся сёння такім цудоўным творам даследчыкаў у сферы дапаможных гістарычных дысцыплін. Кніга зойме ганаровае месца сярод падобных выданняў у калекцыі нацыянальнай кнігі”, – адзначыла пад час урачыстасці намеснік дырэктара Нацыянальнай бібліятэкі Беларусі па інфармацыйных рэсурсах Таццяна Кузьмініч.

У рамках прэзентацыі Нацыянальная бібліятэка Беларусі падрыхтавала для гасцей кніжную выстаўку-прагляд, на якой былі прадстаўлены выданні айчынных і замежных аўтараў па такіх напрамках калекцыяніравання, як нумізматыка, баністыка, геральдыка, картаграфія, фалерыстыка і інш.

Навіны

Падарунак бібліятэцы ад мастака-графіка Сяргея Волкава

12 Вер 2019

11 верасня адбылася сустрэча дэлегацыі спецыялістаў бібліятэкі з мастаком-графікам Сяргеем Анатольевічам Волкавым, у межах якой у фонд бібліятэкі былі перададзены арыгінальныя малюнкі да знакамітых выданняў для дзяцей.

Навіны Нацыянальнай бібліятэкі Беларусі

Кнігі ў дар

12 Вер 2019

У пачатку навучальнага года ў рамках дабрачыннай акцыі “Чытанне – прастора інфармацыі і ведаў” бібліятэкам Гімназіі № 21 і Сацыяльна-педагагічнага цэнтра з прытулкам Першамайскага раёна г. Мінска перадалі ў дар 520 экзэмпляраў дзіцячай, вучэбнай, мастацкай, вучэбна-метадычнай і развіваючай літаратуры.

Навіны Нацыянальнай бібліятэкі Беларусі

Будучыня планеты без ядзернай зброі

13 Вер 2019

З 13 верасня да 13 кастрычніка ў зале дакументаў міжнародных арганізацый бібліятэкі (2-гі паверх, пам. 207g) адкрыта тэматычная кніжная выстаўка “Будучыня планеты без ядзернай зброі”, прысвечаная Міжнароднаму дню барацьбы за поўную ліквідацыю ядзернай зброі.

Кніжныя выстаўкі

Брэст сустракае гасцей

11 Вер 2019

10–12 верасня ў Брэсце праходзіць міжнародная канферэнцыя “Кніга ў фарміраванні інтэлектуальнай культуры народа”. Мерапрыемства прысвечана 1000-годдзю Брэста і наданню гораду статусу “Культурная сталіца Садружнасці 2019 года”.

Навіны Нацыянальнай бібліятэкі Беларусі

111