ГалоўнаяНавіныНавіны Нацыянальнай бібліятэкі Беларусі
Прэзентацыя зборніка “Калекцыянер”
Супрацоўнікі НББ – лаўрэаты фотаконкурсу

Візіт у Германію

Візіт у Германію
Іншыя навіны

З 29 лістапада па 5 снежня доўжыўся прафесійны візіт у Берлін дырэктара Нацыянальнай бібліятэкі Беларусі Р. Матульскага і намесніка дырэктара па навуковай рабоце і выдавецкай дзейнасці А. Сушы.


Інфармацыйная паездка “Захоўваючы культурную спадчыну, паказваючы мастацтва, развіваючы культуру памяці” была арганізавана з мэтай знаёмства з дзейнасцю Фонду прускай культурнай спадчыны і шэрагу падпарадкаваных яму арганізацый.

Найважнейшым мерапрыемствам у рамках візіту стала наведванне Дзяржаўнай бібліятэкі Берліна (Staatsbibliothek zu Berlin), якая выконвае функцыі нацыянальнай бібліятэкі Германіі, і падпісанне Мемарандума аб супрацоўніцтве паміж Нацыянальнай бібліятэкай Беларусі і Дзяржаўнай бібліятэкай Берліна.

Раман Матульскі і Аляксандр Суша ўдзельнічалі ў сустрэчы і перагаворах аб супрацоўніцтве з кіраўніцтвам Нямецкага гістарычнага музея (Deutsches Historisches Museum). На прыкладзе выстаўкі, прысвечанай Першай сусветнай вайне, быў вывучаны вопыт рэалізацыі міжнародных выставачных праектаў з актыўным выкарыстаннем дакументальных помнікаў.

Асаблівую цікавасць для Беларусі прадстаўляе германа-расійскі музей “Берлін-Карлсхорст” (Deutsch-Russisches Museum Berlin-Karlshorst), прысвечаны гісторыі Другой сусветнай вайны. Беларускі матэрыял вельмі шырока прадстаўлены ў экспазіцыі музея і звяртае на сябе ўвагу нават людзей, якія не былі знаёмыя з нашай краінай раней. Экспанаты музея распавядаюць пра вайну на Усходнім фронце з 1941 па 1945 г., а таксама раскрываюць гісторыю савецка-германскіх адносін да Другой сусветнай вайны, у дакументах таксама асвятляюцца пасляваенныя адносіны Савецкага Саюза з ГДР і ФРГ.

Быў вывучаны вопыт дзейнасці Музея сучаснасці “Гамбургскі вакзал” (Hamburger Bahnhof), змешчанага ў будынку чыгуначнага вакзала ў берлінскім раёне Маабіт. “Гамбургскі вакзал” – адзін з найбольш папулярных музеяў сучаснага мастацтва ў свеце. Практыка экспанавання работ сучасных айчынных і замежных мастакоў у галерэях Нацыянальнай бібліятэкі Беларусі дазваляе гаварыць пра выкарыстання вопыту Музея сучаснасці па далучэнні прыватных калекцыянераў і мецэнатаў да арганізацыі буйных мастацкіх праектаў.

Вялікую цікавасць для Беларусі ўяўляе вывучэнне вопыту дзейнасці Яўрэйскага музея ў Берліне (Jüdisches Museum Berlin), які прысвечаны двум тысячагоддзям нямецка-яўрэйскай гісторыі. У музеі размяшчаюцца пастаянная экспазіцыя, часовыя выстаўкі, шырокі архіў, вучэбны цэнтр Рафаэля Рота, памяшканні для даследаванняў.

Каштоўнымі неабходна назваць правядзенне прэзентацыі і нарады ў агенцтве выставачнага дызайну Neo Studio, якое займаецца распрацоўкай экспазіцый і афармленнем памяшканняў у музеях і галерэях. У адпаведнасці з перспектывамі развіцця сацыякультурнай дзейнасці Нацыянальнай бібліятэкі Беларусі пытанне пераўтварэння экспазіцыі музея кнігі і галерэй бібліятэкі бачыцца надзвычай актуальным.

З улікам вопыту дзейнасці бібліятэк, музеяў і іншых устаноў культуры Берліна найбольш мэтазгоднымі напрамкамі супрацоўніцтва ў найбліжэйшай перспектыве з’яўляецца:

  • пошук беларускага нацыянальнага дакумента ў электронным каталогу Дзяржаўнай бібліятэкі Берліна, абмен лічбавымі копіямі дакументаў, якія маюць дачыненне да кніжнай культуры Беларусі і Германіі;
  • паскарэнне рэалізацыі праграм па стварэнні нацыянальнай бібліяграфіі, зводнага электроннага каталога, сістэмы карпаратыўнай каталагізацыі, нацыянальнай электроннай бібліятэкі з прыцягненнем да дадзенага працэсу бібліяграфічных і паўнатэкставых рэсурсаў замежных бібліятэк;
  • арганізацыя выставак найбольш каштоўных кніжных помнікаў са збораў Дзяржаўнай бібліятэкі Берліна ў музеі кнігі Нацыянальнай бібліятэкі Беларусі (у прыватнасці выстаўкі выданняў еўрапейскіх першадрукароў да юбілею беларускага кнігадрукавання ў 2017 г.);
  • запрашэнне спецыялістаў і кіраўнікоў Дзяржаўнай бібліятэкі Берліна для ўдзелу ў міжнародным кангрэсе “Бібліятэка як феномен культуры”;
  • рэалізацыя праграм абмену спецыялістамі бібліятэк Беларусі і Германіі з мэтай фарміравання кадравага патэнцыялу, неабходнага для эфектыўнага рэфармавання бібліятэчнай галіны нашай краіны.
Навіны

Рэсурсы віртуальнай чытальнай залы НББ – для інклюзіўнай адукацыі

1 Сне 2020

1 снежня ў межах мерапрыемстваў віртуальнай чытальнай залы Нацыянальнай бібліятэкі Беларусі адбылася прэзентацыя ліцэнзійных электронных інфармацыйных рэсурсаў (ЭІР) і спецыяльных распрацовак для забеспячэння інфармацыйных патрэб людзей з паслабленым зрокам і невідушчых людзей.

Навіны Нацыянальнай бібліятэкі Беларусі

Чаму кнігі такой формы (не, усё не так проста)

1 Сне 2020

Прызнаемся шчыра: мы ў захапленні ад кніг. Але ці задумваліся вы хоць раз, чаму яны выглядаюць менавіта так? І кішэнныя кніжкі памерам з кляновы лісток, і велізарныя слоўнікі, якія вы ледзь утрымліваеце ў руках, амаль заўсёды маюць адну і тую ж форму – прамавугольнік, прычым амаль адных і тых жа прапорцый. Дык у чым справа? У сучасным друку ці ж у нас саміх? Пачынаем расследаванне!

Аўтарскі погляд

27 Ліс 2020

У Оршы – родным горадзе Уладзіміра Караткевіча – да 90-годдзя з дня яго нараджэння намалявалі мурал у гонар літаратара. Вялікі партрэт класіка ўпрыгожыў жылы дом на рагу вуліц Уладзіміра Караткевіча і Жан-Поля Марата.

Навіны бібліятэк

Мерапрыемства да 75-годдзя агульнай Перамогі ў Музеі гісторыі Вялікай Айчыннай вайны

30 Ліс 2020

27 лістапада ў рамках візіту расійскай дэлегацыі ў Музеі гісторыі Вялікай Айчыннай вайны адбылася дыскусія на тэму “Да 75-годдзя агульнай Перамогі. Роля расійскай і беларускай культуры ў захаванні гістарычнай памяці і процідзеянні фальсіфікацыі гісторыі”.

Навіны Нацыянальнай бібліятэкі Беларусі

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

111