21 лістапада 2008 года адбылася прэзентацыя першых пяці тамоў новага, найбольш поўнага, навукова каментаванага Збору твораў Якуба Коласа ў дваццаці тамах «Свайму часу і вечнасці», падрыхтаванага сумесна з Інстытутам мовы і літаратуры імя Я. Коласа і Я. Купалы НАН Беларусі.
I-IV тамы Збору твораў Якуба Коласа змяшчаюць вершаваныя творы малой жанравай формы (вершы, апавяданні вершам), V-ы том распачынае новы кампазіцыйны блок, які ўключае празаічныя творы малой формы.
У мерапрыемстве прымалі ўдзел сын Якуба Коласа М.К. Міцкевіч, намеснік дырэктара Нацыянальнай бібліятэкі Беларусі па навуковай рабоце і сувязям з грамадскасцю Л.Г. Кірухіна, дырэктар Інстытута мовы і літаратуры імя Я. Коласа і Я. Купалы, доктар філалагічных навук, прафесар А.А. Лукашанец, складальнікі Збору твораў, члены рэдкалегіі, супрацоўнікі Дзяржаўнага літаратурна-мемарыяльнага музея Якуба Коласа, прадстаўнікі выдавецтваў, устаноў навукі і культуры.
Тэлефон для даведак: 293-28-86, 293-27-67.
Е-mail: pr@nlb.by
