15 сакавіка ў галерэі “Лабірынт” адбылася прэзентацыя кнігі Зіновія Прыгодзіча “Постаці: з цэлым народам гутарку весці”, выдадзенай РВУ “Літаратура і Мастацтва”.
Кніга Зіновія Прыгодзіча змяшчае дзесяць творчых партрэтаў вядомых дзеячаў беларускай культуры. Яны увасабляюць практычна ўсе сферы нашай культурнай прасторы: літаратуру, тэатр, музыку, жывапіс, скульптуру.
У ролі вядучага вечара выступіў сам аўтар кнігі, член Саюза пісьменнікаў Беларусі і Беларускага саюза журналістаў, кандыдат філасофскіх навук, дацэнт, галоўны рэдактар часопіса “Гаспадыня. Сямейны часопіс” Зіновій Прыгодзіч. Ён прадставіў герояў сваёй кнігі, якія прысутнічалі у зале, гаворачы пра кожнага з душэўнай цеплынёй і шчырасцю.
Гісторыі знаёмства з аўтарам, малавядомыя факты пра сваі біяграфіі гасцям прэзентацыі паведамілі заслужаны дзеяч мастацтваў Беларусі, лаўрэат Дзяржаўнай прэміі Рэспублікі Беларусь Валерый Анісенка; беларускі літаратуразнавец, крытык і публіцыст, доктар філалагічных навук, прафесар, лаўрэат Дзяржаўнай прэміі Рэспублікі Беларусь Адам Мальдзіс; народная артыстка Беларусі, лаўрэат Дзяржаўнай прэміі Рэспублікі Беларусь Марыя Захарэвіч; графік, жывапісец, акадэмік Нацыянальнай акадэміі навук Беларусі, заслужаны дзеяч мастацтваў БССР, народны мастак Беларусі Георгій Паплаўскі, а таксама рэдактар кнігі “Постаці:з цэлым народам гутарку весці”, галоўны рэдактар часопіса “Полымя” Мікалай Мятліцкі.
У рамках прэзентацыі Зіновій Прыгодзіч перадаў у дар Нацыянальнай бібліятэцы Беларусі кнігу са сваім аўтографам. Са словамі падзякі выступіў намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Аляксандр Суша.
 |
 |
 |
 |
 |
 |
 |
 |
