11 кастрычніка ў Нацыянальнай бібліятэцы Беларусі ладзілася прэзентацыя кнігі “Статьи и переводы” азербайджанскага прафесара Аіды ханум Імангуліевай.
Мерапрыемства прайшло ў рамках Года кнігі.
З прывітальным словам на прэзентацыі выступілі Надзвычайны і Паўнамоцны Пасол Азербайджанскай Рэспублікі ў Рэспубліцы Беларусь Ісфандыяр Бахтыяр аглы Вагабзадэ, дырэктар Нацыянальнай бібліятэкі Беларусі Раман Матульскі, кіраўнік азербайджанскай дыяспары ў Рэспубліцы Беларусь Бакшы Ганбараў, дэкан факультэта беларускай і рускай філалогіі Беларускага дзяржаўнага педагагічнага ўніверсітэта імя М. Танка Васіль Старычонак.
У кнігу ўвайшлі апублікаваныя ў 60–80-я гады артыкулы і пераклады выдатнага вучонага, доктара філалагічных навук, прафесара Аіды ханум Імангуліевай – першай жанчыны-ўсходазнаўца. Яе навуковыя працы і сёння знаходзяцца ў цэнтры ўвагі ўсяго свету.
Прафесар адкрыла новую старонку ў вывучэнні сучаснай арабскай літаратуры, заклала падмурак новай школы. У сваёй навуковай і арганізатарскай дзейнасці Аіда ханум Імангуліева заўсёды надавала асаблівую ўвагу падрыхтоўцы высокакваліфікаваных кадраў арабістаў.
Фундаментальныя даследаванні Аіды ханум Імангуліевай узбагацілі азербайджанскае і сусветнае ўсходазнаўства.