17 кастрычніка ў Нацыянальнай бібліятэцы Беларусі адбылася прэзентацыя кампаніі Ex Libris, пад час якой былі прадстаўлены рашэнні і прадукты сучасных аўтаматызаваных сістэм.
Да ўвагі дырэктараў найбуйнейшых універсітэцкіх бібліятэк, прадстаўнікоў Нацыянальнай кніжнай палаты, зацікаўленых міністэрстваў і ведамстваў, супрацоўнікаў Нацыянальнай бібліятэкі Беларусі былі прадстаўлены прэзентацыі пра дзейнасць і найноўшыя распрацоўкі кампаніі – лідара па забеспячэнні бібліятэк у 80 краінах свету.
Адкрыў мерапрыемства дырэктар Нацыянальнай бібліятэкі Беларусі Р.С. Матульскі. Звяртаючыся да ўдзельнікаў і гасцей, ён адзначыў неабходнасць рашэння бібліятэчных задач з дапамогай найбольш эфектыўных пошукавых тэхналогій.
У вітальным слове да прысутных Енрыке Пенц, старшы менеджар па Усходняй Еўропе і краінах СНД, выказаў асобую зацікаўленасць кампаніі Ex Libris у супрацоўніцтве з Нацыянальнай бібліятэкай Беларусі.
У ходзе мерапрыемтсва адбылася прэзентацыя кампаніі Ex Libris і яе найноўшых распрацовак – Primo Central (комплекснае рашэнне для пошуку і дастаўкі лакальных і аддаленых інфармацыйных рэсурсаў, такіх як кнігі, часопісныя артыкулы і лічбавыя аб’екты) і Rosetta (праграмнае рашэнне для захаванасці лічбавых калекцый). Правёў прэзентацыю Сяргей Дацэнка, прадстаўнік кампаніі Ex Libris ва Украіне.
Завяршылася прэзентацыя дыскусіяй, у ходзе якой усе ўдзельнікі змаглі атрымаць адказы на актуальныя пытанні.
 |
 |
 |
 |
 |
 |
