19 мая ў бібліятэцы адбудзецца прэзентацыя шасцітомнай энцыклапедыі “Культура Беларусі” выдавецтва “Беларуская энцыклапедыя імя Петруся Броўкі”.
Прэзентацыя шасцітомнай энцыклапедыі “Культура Беларусі” прэтэндуе на статус найважнейшай падзеі ў культурным жыцці краіны. Сімвалічна, што яна папоўніла скарбніцу гуманітарных багаццяў краіны менавіта ў Год культуры, адкрываючы новыя вехі ў гісторыі. Унікальнае выданне адзначана ўзнагародай 55-га Нацыянальнага конкурсу “Мастацтва кнігі” ў спецыяльнай намінацыі “За ўклад у захаванне духоўнай спадчыны”.
Карпатлівая работа над гэтым вялікім праектам працягвалася сем гадоў. Выданне ўключае звыш 15 тыс. артыкулаў, мэта якіх – расказаць пра розныя аспекты беларускай культуры, адлюстраваць яе гісторыю па-новаму, улічваючы тыя змены, якія адбыліся за апошнюю чвэрць стагоддзя.
Прэзентацыя пачнецца а 17-й гадзіне ў галерэі “Лабірынт” (3-ці паверх).
Тэлефоны для даведак: (8 017) 293 29 80, 293 27 56.
Е-mail: pr@nlb.by