Віртуальная чытальная зала Нацыянальнай бібліятэкі Беларусі працягвае знаёміць карыстальнікаў і бібліятэкараў з ліцэнзійнымі электроннымі інфармацыйнымі рэсурсамі.
25 лютага ў нашай бібліятэцы адбыўся семінар-прэзентацыя электронна-бібліятэчнай сістэмы “Znanium” – інфармацыйнага рэсурсу ўніверсальнай тэматыкі для навучальных і публічных бібліятэк.
На семінары былі прадстаўлены калекцыі кніжных і перыядычных выданняў на платформе ЭБС “Znanium”, а таксама пошукавыя і функцыянальныя магчымасці працы з ЭБС.
Мерапрыемства прайшло ў змешаным вочна-дыстанцыйным фармаце. У ім узялі ўдзел спецыялісты бібліятэк, інфармацыйных цэнтраў, устаноў вышэйшай і сярэдняй адукацыі.
Доступ да ЭБС “Znanium” адкрыты для ўсіх зарэгістраваных карыстальнікаў Нацыянальнай бібліятэкі Беларусі і зацікаўленых бібліятэк – партнёраў па віртуальнай чытальнай зале.
Віртуальная чытальная зала запрашае да супрацоўніцтва ўсе зацікаўленыя арганізацыі нашай краіны па пытаннях падпіскі на ліцэнзійныя базы даных і навучання працы з імі.
Матэрыял пададзены аддзелам карпаратыўнага ўзаемадзеяння.