У рамках Года культуры ў Нацыянальнай бібліятэцы стартуе культурна-асветніцкі праект “У госці да кніг”, накіраваны на развіццё культуры чытання, цікавасці да кнігі і папулярызацыю нацыянальнай кніжнай спадчыны.
Праект будзе рэалізаваны праз культурна-асветніцкія заняткі для дзяцей у музеі кнігі Нацыянальнай бібліятэкі Беларусі.
“У госці да кніг” – надзвычай актуальная ініцыятыва напярэдадні 500-гадовага юбілею беларускага кнігадрукавання, які будзе адзначацца ў 2017 годзе. Задачамі праекта з’яўляецца прыцягненне ўвагі дзяцей да бібліятэкі і музея, развіццё ў іх любові да кнігі, стымуляванне чытацкай актыўнасці, фарміраванне гонару за дасягненні і багатыя традыцыі айчыннай кніжнай культуры. Унікальнасць заняткаў заключаецца ў магчымасці вывучэння нацыянальнай кніжнай спадчыны з дапамогай найбагацейшага збору кніжных помнікаў.
Першыя заняткі для школьнікаў горада Мінска ўжо праведзены.
Каардынатарам праекта з’яўляецца загадчыца сектара навукова-праектнай работы Нацыянальнай бібліятэкі Таццяна Андрэеўна Сапега.
Тэлефон для запісу на заняткі: (8 017) 293 27 82.
E-mail: sapega@nlb.by