Захаванне памяці пра цяжкія гады Вялікай Айчыннай вайны, гераізм і мужнасць абаронцаў радзімы і самаадданую працу работнікаў тылу – адна з галоўных задач сучаснага грамадства.
1 ліпеня дырэктар Нацыянальнай бібліятэкі Беларусі Раман Матульскі з сям'ёй прыняў удзел ва ўскладанні кветак да манумента Перамогі ў Мінску. Мерапрыемства прайшло ў рамках рэспубліканскай акцыі “Беларусь памятае”, якая афіцыйна стартавала 9 мая і будзе доўжыцца да Дня Незалежнасці.
Напярэдадні 75-годдзя вызвалення Беларусі ад нямецка-фашысцкіх захопнікаў па ўсёй краіне дзеці і дарослыя прыходзяць з кветкамі і партрэтамі сваякоў-франтавікоў да помнікаў, абеліскаў і брацкіх магіл, публікуюць у сацыяльных сетках запісы пад сімвалічнай хэштэгам #Беларусьпамятае з архіўнымі здымкамі і ўспамінамі тых, хто змагаўся за сваю зямлю, ствараюць калектыўнае палатно “Беларусь памятае” і аднайменны агульнарэспубліканскі альбом памяці. Да акцыі далучыліся працоўныя калектывы, грамадскія арганізацыі, публічныя персоны і простыя грамадзяне, якім важна данесці памяць пра веліч свайго народа да будучых пакаленняў.
Матэрыял прадстаўлены аддзелам сувязей з грамадскасцю.
Глядзіце таксама сюжэт тэлеканала “Беларусь 1” “К 75-летию освобождения Беларуси в стране проходит акция «Беларусь помнит»”
