ГалоўнаяНавіныНавіны Нацыянальнай бібліятэкі Беларусі
Барыс Забораў – сусветна вядомы мастак і кніжны графік з Беларусі
110 гадоў з дня нараджэння ветэрана Нацыянальнай бібліятэкі Беларусі Фаіны Аронаўны Мерынай

Новыя крокі ў перакладзе Бібліі на беларускую мову (+відэа)

Новыя крокі ў перакладзе Бібліі на беларускую мову (+відэа)
Іншыя навіны

1 снежня ў Нацыянальнай бібліятэцы Беларусі адбыўся круглы стол “Беларускія пераклады Бібліі”.

У гэтым мерапрыемстве прынялі ўдзел айчынныя мовазнаўцы, гісторыкі, выкладчыкі, перакладчыкі, выдаўцы, багасловы, царкоўна- і свяшчэннаслужыцелі розных канфесій, а таксама многія зацікаўленыя пытаннем перакладу Бібліі на беларускую мову. Удзельнікі абмеркавалі праблемы біблейскага перакладу. Таксама у межах круглага стала адбыліся:

  • прэзентацыя факсімільнага выдання першага перакладу біблейскай кнігі на сучасную беларускую мову (“Паводле Лукі Святое Евангелле”), якое выйшла ў 2021 г. у выдавецтве Нацыянальнай бібліятэкі Беларусі;
  • прэзентацыя перакладу Евангелля, які выканаў брат Якуба Коласа Міхась Міцкевіч (першае выданне 2021 г.);
  • цырымонія перадачы рукапісаў перакладу Бібліі Уладзіслава Чарняўскага ў фонды Нацыянальнай бібліятэкі Беларусі.

KS-Biblija-5.jpg

Мерапрыемства прайшло ў фармаце дыскусіі экспертаў. Падчас пасяджэння выступілі намеснік генеральнага дырэктара Нацыянальнай бібліятэкі Беларусі, кандыдат культуралогіі Аляксандр Суша, беларускі гісторык, драматург, кандыдат гістарычных навук Андрэй Унучак, краязнавец, гісторык Валерый Мароз, доктар тэалогіі, прафесар Паўднёва-Афрыканскага ўніверсітэта Ёханэс Раймер (відэазапіс), ксёндз канонік, намеснік старшыні праўлення Біблейскага таварыства Франц Рудзь, пастар, перакладчык Бібліі на беларускую мову Антоній Бокун, публіцыст, педагог, унучка Якуба Коласа і Янкі Маўра Марыя Міцкевіч, доктар сакральнай тэалогіі, біблеіст Ірына Дубянецкая, загадчык кафедры гісторыі беларускай мовы філалагічнага факультэта БДУ, доктар філалагічных навук, прафесар Мікалай Прыгодзіч.

У пачатку мерапрыемства гучала скрыпка, якая раней належала Л. Дзекуць-Малею, музычныя кампазіцыі выканала Алена Віслаўская, скрыпачка, выкладчыца па класу скрыпкі.

Удзельнікам круглага стала была прадстаўлена выстава каштоўных дакументаў па гісторыі перакладаў Бібліі на беларускую мову.

Матэрыял пададзены навукова-даследчым аддзелам кнігазнаўства.

Навіны

Чым заняцца кнігалюбу, калі сіл няма чытаць

24 Сту 2022

Мы ўсё стамляемся. Шчыльны расклад, завалы на працы, стрэс, эмацыйныя перагрузкі і іншыя дробязі жыцця часам адымаюць у нас усякае жаданне займацца нават любімым хобі – і гэта нармальна. Тым больш калі ваша хобі – чытанне. Часам варта зрабіць перапынак у паглынанні выдуманых гісторый і заняцца чым-небудзь іншым, што не зробіць вас меней фанатычным аматарам літаратуры. Прэзентуем вам сем цалкам кніжных актыўнасцей – і гэта нават не чытанне.

Аўтарскі погляд

Арт-кніга “Ясон”

24 Сту 2022

25 студзеня а 16-й гадзіне ў музеі кнігі адбудзецца ўрачыстае адкрыццё выставы-прэзентацыі твора сучаснага выяўленчага і кніжнага мастацтва – арт-кнігі “Ясон”.

Кніжныя выстаўкі

Размова з адвакатам аб абароне праў спажыўцоў

24 Сту 2022

20 студзеня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Абарона праў спажыўцоў: прававыя і практычныя аспекты ”.

Навіны Нацыянальнай бібліятэкі Беларусі

Бібліятэкарам