Для карыстальнікаў, якія не маюць магчымасці наведаць нашу бібліятэку, падрыхтаваны відэаўрок па рабоце з базай даных “Вучоныя Беларусі”, які знаёміць з рэсурсам і асноўным алгарытмам пошуку.
База даных “Вучоныя Беларусі” – карпаратыўны фактаграфічны інфармацыйны рэсурс, у якім прадстаўлена інфармацыя:
- аб асобах, якія маюць вучоныя ступені доктара / кандыдата навук і вучоныя званні;
- навуковых работніках і выкладчыках ВНУ – аўтарах навуковых публікацый;
- вышэйшых навучальных установах і структурных падраздзяленнях, у якіх працуюць вучоныя;
- навуковых дынастыях / сем'ях.
У фарміраванні базы даных прымае ўдзел Нацыянальная бібліятэка Беларусі і бібліятэкі 34 навуковых устаноў нашай краіны.
Пра кожнага вучонага можна атрымаць звесткі біяграфічнага характару, даныя пра яго навуковыя інтарэсы, галіны навуковай дзейнасці, месца (месцы) працы, пасады, узнагароды, ганаровыя званні і інш. Прыведзены формы імя на рускай, беларускай і іншых мовах, псеўданімы, крыптонімы, духоўныя і іншыя імёны, пад якімі вучоны вядомы або ёсць публікацыі. Устаноўлены сувязі з запісамі на ўстановы, у якіх працуюць вучоныя, а таксама з запісамі на навуковыя дынастыі / сем'і.
Запісы забяспечаны спасылкамі на Зводны электронны каталог бібліятэк Беларусі, электронны каталог бібліятэк – удзельніц праекта, а таксама на фота вучонага і яго персанальны сайт / старонку (пры іх наяўнасці).
На студзень 2019 года ў базе даных прадстаўлена больш за 10 тысяч запісаў, з якіх 8,5 тысяч – аб асобах, каля тысячы – на ўстановы / арганізацыі і больш за 400 запісаў – аб навуковых дынастыях / сем'ях.
Пазнаёміцца з іншымі відэаўрокамі можна тут.
Кансультацыі па базе даных:
Бушыла Ларыса Леанідаўна – (8 017) 293 26 81, bushilo@nlb.by;
Кажура Ірына Пятроўна – (8 017) 293 26 62, bdscient@nlb.by;
Пятроўская Зоя Анатольеўна – (8 017) 293 29 93, petrovskaya@nlb.by.
Матэрыял прадастаўлены аддзелам даведачна-інфармацыйнага абслугоўвання.
