У Нацыянальнай бібліятэцы Беларусі запушчаны новы анлайн-сэрвіс па вызначэнні публікацыйнай актыўнасці аўтара / арганізацыі.
З яго дапамогай можна аформіць заказ на пошук інфармацыі пра публікацыйную дзейнасць аўтара ці арганізацыі, аплаціць работу ў анлайн-рэжыме адным з прапанаваных спосабаў і атрымаць справаздачу на электронную пошту.
Анлайн-сэрвісам могуць скарыстацца і юрыдычныя асобы пасля заключэння з Нацыянальнай бібліятэкай Беларусі дагавора на аказанне інфармацыйных паслуг.
Паслуга выконваецца ў адпаведнасці з прэйскурантам.
Тэлефон для даведак: (8 017) 293 27 23.
Матэрыял прадастаўлены аддзелам бібліятэчнага абслугоўвання.