З 13 жніўня Нацыянальная бібліятэка Беларусі прапануе новую паслугу – вызначэнне публікацыйнай актыўнасці аўтара/арганізацыі.
З кожным днём расце не толькі значнасць і колькасць навуковых даследаванняў, але і патрэба ў аб'ектыўнай ацэнцы іх вынікаў. Адным з механізмаў такой ацэнкі з'яўляецца вызначэнне публікацыйнай актыўнасці, якая характарызуецца некалькімі крытэрыямі: колькасцю публікацый аўтара ці арганізацыі, лікам цытаванняў гэтых публікацый і колькасцю найбольш цытуемых работ аўтара/арганізацыі (індэкс Хірш).
Спецыялісты Нацыянальнай бібліятэкі Беларусі праводзяць аналіз публікацыйнай дзейнасці аўтара або арганізацыі на платформе Web of Science – адной з найбольш вядомых міжнародных політэматычных баз даных цытавання.
Паслуга выконваецца ў адпаведнасці з Прэйскурантам платных паслуг.
Тэлефоны для даведак:
(8 017) 293 28 55 (пн. – пт. 9.00–17.00),
(8 017) 293 27 23 (пн. – пт. 9.00–17.00, сб. – ндз. 10.00–18.00).
E-mail: obo@nlb.by