16 жніўня ў дзіцячым пакоі Нацыянальнай бібліятэкі Беларусі прайшлі творчыя заняткі «Нетрадыцыйныя спосабы малюнка. Змешаная тэхніка малявання».
Спалучаючы такія мастацкія матэрыялы як акварэль, гуаш, алоўкі, васковыя крэйды дзеці атрымалі незвычайныя магчымасці ў дасягненні сваёй творчай задумы. Кожнае дзіця змагло адчуць сябе сапраўдным мастаком. Зносіны і творчая атмасфера спрыялі стварэнню эмацыянальнага настрою ў дзяцей.
Творчы працэс дапоўнілі і разнастаілі рухомыя гульні, фізкультхвілінкі і прагляд мультфільма.
Заняткі завяршыліся выстаўкай малюнкаў.