Падведзены вынікі рэспубліканскага конкурсу “Лепшы публічны цэнтр прававой інфармацыі”, упершыню праведзенага ў 2018 годзе. Конкурс закліканы ўмацаваць ролю публічных бібліятэк у фарміраванні прававой культуры грамадзян і стымуляваць творчую ініцыятыву працаўнікоў публічных цэнтраў прававой інфармацыі ў рамках прафесійнай дзейнасці.
Арганізацыя і правядзенне конкурсу ажыццяўляліся Нацыянальным цэнтрам прававой інфармацыі Рэспублікі Беларусь, Міністэрствам культуры Рэспублікі Беларусь, дзяржаўнай установай “Нацыянальная бібліятэка Беларусі”, грамадскімі аб'яднаннямі “Беларускі рэспубліканскі саюз юрыстаў” і “Беларуская бібліятэчная асацыяцыя”.
Прыняць удзел у конкурсе маглі дзяржаўныя публічныя бібліятэкі сістэмы Міністэрства культуры Рэспублікі Беларусь, на базе якіх створаны і функцыянуюць публічныя цэнтры прававой інфармацыі (ПЦПІ).
Конкурс праходзіў у 5 намінацыях:
- Лепшы ПЦПІ на базе абласной бібліятэкі,
- Лепшы ПЦПІ на базе цэнтральнай раённай (гарадской) бібліятэкі,
- Лепшы ПЦПІ на базе гарадской (гарпасялковай) бібліятэкі,
- Лепшы ПЦПІ на базе дзіцячай бібліятэкі,
- Лепшы ПЦПІ ў сельскім населеным пункце.
На сённяшні дзень у Рэспубліцы Беларусь функцыянуе 603 ПЦПІ. З іх у конкурсе прынялі ўдзел 52 бібліятэкі: 4 абласныя, 4 цэнтральныя гарадскія, 26 цэнтральных раённых, 6 дзіцячых, 4 гарпасялковыя і 8 сельскіх. Па выніках пасяджэння журы прызавыя месцы атрымалі 15 бібліятэк.
У заяўленых намінацыях месцы размеркаваліся наступным чынам.
“Лепшы ПЦПІ на базе абласной бібліятэкі”:
I месца – установа “Гомельская абласная ўніверсальная бібліятэка імя У.І. Леніна”,
II месца – ДУ “Віцебская абласная бібліятэка імя У.І. Леніна”,
III месца – ДУК “Гродзенская абласная навуковая бібліятэка імя Я.Ф. Карскага”.
“Лепшы ПЦПІ на базе цэнтральнай раённай (гарадской) бібліятэкі”:
I месца – Наваполацкая цэнтральная бібліятэка імя У. Маякоўскага ДУК “Цэнтралізаваная бібліятэчная сістэма г. Наваполацка”,
II месца – ДУК “Салігорская раённая цэнтральная бібліятэка” і Віцебская цэнтральная раённая бібліятэка ДУК “Віцебская раённая цэнтралізаваная бібліятэчная сістэма”,
III месца – ДУК “Мастоўская раённая бібліятэка” і ДУК “Барысаўская цэнтральная раённая бібліятэка імя І.Х. Каладзеева”.
У намінацыі “Лепшы ПЦПІ на базе гарадской (гарпасялковай) бібліятэкі” члены журы прынялі рашэнне прысудзіць прызавое I месца толькі Роскай гарпасялковай бібліятэцы ДУК “Ваўкавыская раённая бібліятэка”.
“Лепшы ПЦПІ на базе дзіцячай бібліятэкі”:
I месца – Гомельская гарадская дзіцячая бібліятэка-філіял № 16 ДУ “Сетка публічных бібліятэк горада Гомеля”,
II месца – Полацкая дзіцячая бібліятэка-філіял № 1 імя Л. Талстога ДУК “Полацкая раённая цэнтралізаваная бібліятэчная сістэма”,
III месца – мінская дзіцячая бібліятэка-філіял № 14 ДУ “Цэнтралізаваная сістэма дзіцячых бібліятэк г. Мінска”.
“Лепшы ПЦПІ на базе сельскай бібліятэкі”:
I месца – Лучнікаўская сельская бібліятэка-філіял № 7 ГУ “Слуцкая раённая цэнтральная бібліятэка”,
II месца – Слабодкаўскага сельская бібліятэка ДУК “Цэнтралізаваная бібліятэчная сістэма Браслаўскага раёна”,
III месца – Абухоўская сельская бібліятэка - інфармацыйна-прававой цэнтр ДУК “Гродзенскі раённы культурна-інфармацыйны цэнтр”.
Акрамя таго, рашэннем членаў журы былі ўведзены дзве дадатковыя намінацыі з прысуджэннем узнагарод. Так, у намінацыі “Праца са слабым зрокам карыстальнікамі прававой інфармацыі” быў адзначаны ПЦПІ КК “Магілёўская абласная бібліятэка імя У.І. Леніна”. У намінацыі “Праца па павышэнню прававой кампетэнтнасці бібліятэкараў” высока ацэненая праца ПЦПІ Пастаўскай цэнтральнай раённай бібліятэкі КК “Пастаўская цэнтралізаваная бібліятэчная сістэма”.
Згодна з Палажэннем аб конкурсе ўдзельнікі, якія занялі 1-е, 2-е і 3-е месца будуць узнагароджаны дыпломамі першай, другой і трэцяй ступені адпаведна, а таксама прызамі.
Цырымонія ўзнагароджання пераможцаў адбудзецца ў Нацыянальнай бібліятэцы Беларусі падчас працы міжнароднага кангрэса “Бібліятэка як феномен культуры” (18–19 кастрычніка 2018 г.). У рамках кангрэса пройдзе круглы стол “Арганізацыя дзейнасці публічных цэнтраў прававой інфармацыі: сучасныя падыходы і перспектывы”, на якім пераможцы конкурсу падзеляцца вопытам работы ПЦПІ сваіх бібліятэк.
