2020-ы год стаў для Расійскай нацыянальнай бібліятэкі юбілейным – найстарэйшая бібліятэка Расіі адзначае 225-годдзе з дня заснавання.
На працягу ўсёй сваёй гісторыі бібліятэка ўносіць значны ўклад у развіццё сусветнай кніжнай культуры, захаванне і папулярызацыю кніжнай спадчыны многіх краін свету.
Да знакавай даты расійскія калегі рыхтуюць відэафільм, у рамках якога дыпламаты, кіраўнікі нацыянальных бібліятэк, прафесійных бібліятэчных асацыяцый і іншых устаноў з усяго свету віншуюць бібліятэку-юбіляра, успамінаюць сумесныя праекты і жадаюць паспяховага развіцця.
У стварэнні відэафільма прыняў удзел і генеральны дырэктар беларускага “алмаза ведаў” Раман Матульскі.
У сваім віншаванні Раман Сцяпанавіч адзначыў выключную ролю, якую адыграла Расійская нацыянальная бібліятэка ў захаванні культурнай спадчыны Расіі і Беларусі, а таксама зрабіў акцэнт на доўгатэрміновым супрацоўніцтве, якое звязвае абедзве бібліятэкі ўжо шмат дзесяцігоддзяў.
Яшчэ раз віншуем калег з юбілеем і жадаем новых поспехаў! Хай любімая праца прыносіць радасць і натхненне!
Матэрыял пададзены аддзелам сувязей з грамадскасцю.
