19 лютага а 16-й гадзіне ў галерэі “Лабірынт” (3-ці паверх) адбудзецца святочнае мерапрыемства “На славу нашоï преславноï Украіни”, прымеркаванае да 200-годдзя з дня нараджэння Тараса Шаўчэнкі.
Пад час мерапрыемства, арганізаванага Нацыянальнай бібліятэкай Беларусі і Пасольствам Украіны ў Рэспубліцы Беларусь, госці пазнаёмяцца з выстаўкамі дзіцячых малюнкаў, фотаматэрыялаў аб увекавечанні памяці Тараса Шаўчэнкі на Беларусі, твораў вялікага Кабзара. Творчыя нумары прадставяць юныя ўдзельнікі рэспубліканскага фестывалю-конкурсу “Пад крыламі Арыёна”.
На выстаўцы малюнкаў прадстаўлены конкурсныя работы навучэнцаў дзіцячых мастацкіх школ – удзельнікаў Першага мінскага Шаўчэнкаўскага конкурсу. Выстаўка фотаматэрыялаў расказвае пра ўвекавечанне памяці Тараса Шаўчэнкі ў нашай рэспубліцы. Экспазіцыя літаратурнай спадчыны пісьменніка пазнаёміць гасцей мерапрыемства з рэдкімі і найбольш каштоўнымі кнігамі бібліятэкі Пасольства Украіны ў Рэспубліцы Беларусь.
Нацыянальная бібліятэка Беларусі таксама падрыхтавала кніжную выстаўку да юбілею з дня нараджэння пісьменніка. Экспазіцыя налічвае каля 200 выданняў, сярод якіх зборнікі твораў, літаратура пра жыццё і творчасць Тараса Шаўчэнкі, багаты ілюстрацыйны матэрыял.
Пад час мерапрыемства шэраг кніжных выданняў будзе перададзены Надзвычайным і Паўнамоцным Паслом Украіны ў Беларусі Міхаілам Ежалем у дар Нацыянальнай бібліятэцы Беларусі.
Тэлефон для даведак: (8 017) 293 27 56.
Е-mail: pr@nlb.by
