20 лютага ў дзіцячым пакоі пройдуць творчыя заняткі “Капітан, усміхніцеся!”, прысвечаныя Дню абаронца Айчыны.
Запрашаем хлопчыкаў і дзяўчынак 5–9 гадоў прыняць удзел у пазнавальных віктарынах і рухавых гульнях.
Творчыя здольнасці дзеці змогуць праявіць пры стварэнні яркіх вырабаў. Вясёлы капітан і карабель з каляровай паперы стануць выдатнымі падарункамі татам і дзядулям да Дня абаронца Айчыны.
Заняткі праводзяцца бясплатна. Усімі матэрыяламі для стварэння вырабаў дзеці будуць забяспечаны.
Час правядзення заняткаў 18.00–19.30.
Вядзецца папярэдні запіс па тэлефоне: (8 017) 293 25 34.
