10 чэрвеня а 17-ай гадзіне ў Нацыянальнай бібліятэцы Беларусі пройдзе інфармацыйна-пазнавальная праграма "N - мадэль даўгалецця", арганізаваная ў рамках праекта "Кропка Адліку".
Мары аб даўгалецці ледзь не старэйшые за само чалавецтва. Аб спосабах і метадах падаўжэння жыцця напісаны мільёны кніг. Цяпер гэтым пытаннем актыўна займаецца навука, і поспехі яе сапраўды ўражваюць. Паралельна з развіццём медыцынскіх метадаў падаўжэння жыцця сення усё больш набірае сілу веданне рэзерваў і магчымасцяў чалавечай свядомасці і псіхікі.
Вядучыя праграмы: урач-рэфлексатэрапеўт, спецыяліст па нетрадыцыйнай медыцыне, Сяргей Корнеў і распрацоўшчык інтэрнэт-партала "Клуб самаразвіцця чалавека" Дзмітрый Тарасаў раскажуць удзельнікам аб наступных пытаннях:
- у чым "сакрэт" даўгалецця;
- як адысці ад фатальнасці ўзросту;
- практычныя парады па выкарыстанні прыродных рэсурсаў.
Інфармацыйна-пазнавальная праграма прызначана для чытачоў і супрацоўнікаў бібліятэкі. Яна пройдзе ў зале нотных і аўдыёдакументаў (пам. 305 Е, 3-ці паверх).