ГалоўнаяНавіныНавіны Нацыянальнай бібліятэкі Беларусі
Новая выстаўка прысвечана літаратуры Эстоніі
У бібліятэцы падвялі вынікі года ў сферы культуры

ММКВК: “Лясная песня” і іншыя праекты да юбілею Вялікай Перамогі

ММКВК: “Лясная песня” і іншыя праекты да юбілею Вялікай Перамогі
Іншыя навіны

7 лютага на ХХVII Мінскай міжнароднай кніжнай выстаўцы-кірмашы (ММКВК) прайшла прэзентацыя праектаў Нацыянальнай бібліятэкі Беларусі.

Да памятнай даты стартаваў інфармацыйна-ілюстрацыйны праект “Лясная песня”, мэта якога – даць магчымасць дакрануцца да гісторыі беларускага партызанскага руху праз дакументы таго часу: рукапісныя матэрыялы, улёткі, агітплакаты, газеты, фотаздымкі, сюжэтныя замалёўкі, урыўкі з апавяданняў, паэм, вершаў і песень.

Праект міжнародны. На працягу года перасоўную выстаўку прадставяць у Азербайджане, Расіі, Кыргызстане, Узбекістане, Турцыі. Першай краінай, куды адправіцца экспазіцыя, стане Малдова.

На выставе-кірмашы таксама быў прэзентаваны першы выпуск серыі мультымедыйных выданняў “Партызанскі архіў” – электроннае дакументальнае выданне “Оперативные и разведывательные сводки Белорусского штаба партизанского движения: 1944 год”. Асноўныя падзеі баявой і разведвальнай дзейнасці беларускіх партызан адлюстраваны ў электронных копіях архіўных дакументаў. Большасць з іх былі апублікаваны ўпершыню.

“100 дзён да Вялікай Перамогі. Па старонках беларускіх газет 1945 г.” – яшчэ адзін праект, прадстаўлены на ММКВК. Штодня з 30 студзеня на партале бібліятэкі публікуюцца матэрыялы пра жыццё ў БССР напярэдадні 9 мая.

У прэзентацыі ўзялі ўдзел намеснік генеральнага дырэктара Нацыянальнай бібліятэкі Беларусі Алесь Суша, дырэктар Нацыянальнага архіва Беларусі Андрэй Дземянюк, Надзвычайны і Паўнамоцны Пасол Рэспублікі Малдова ў Рэспубліцы Беларусь Віктар Сарачан, загадчык аддзела публікацый Нацыянальнага архіва Беларусі Міхаіл Скамарошчанка, загадчыца аддзела карпаратыўнага ўзаемадзеяння Нацыянальнай бібліятэкі Беларусі Марына Рудакоўская.

Матэрыял прадастаўлены аддзелам сувязей з грамадскасцю.


Навіны

Перасоўная выстава “Лясная песня” адкрылася ў Нацыянальнай акадэмічнай бібліятэцы Рэспублікі Казахстан

22 Чэр 2021

Прэзентацыя інфармацыйна-ілюстрацыйнага праекта “Лясная песня” ў горадзе Нур-Султан была прымеркавана да 80-годдзя пачатку Вялікай Айчыннай вайны.

Навіны Нацыянальнай бібліятэкі Беларусі

23 Чэр 2021

«Тэатр, як вядома, мае звычай зацягваць у сябе людзей, як зачараваны лес». Думаецца, праўдзівасць гэтага радка з рамана «Вялікае падарожжа Малой» пацвердзіць аўтарка Алена Папова. Ведаюць яе не толькі як драматурга, чые п'есы ідуць па ўсім свеце, перамагаюць на прэстыжных міжнародных конкурсах, але і як адметнага празаіка. «Таямнічы код прозы Алены Паповай» – гучала ў загалоўку адной з рэцэнзій.

Навіны бібліятэк

22 Чэр 2021

19 чэрвеня 1924 года нарадзіўся беларускі пісьменнік Васіль Быкаў. Большасць твораў, напісаных аўтарам, – аповесці, дзеянне якіх адбываецца ў час Вялікай Айчыннай вайны. У іх паказаны маральны выбар чалавека ў найбольш драматычныя моманты жыцця. Быкаў на свае вочы бачыў вайну, таму так ярка і эмацыянальна яму ўдавалася перадаць увесь цяжар ваенных гадоў. Прапануем вам пяць кніг народнага пісьменніка Беларусі, якія праславілі беларускую літаратуру на ўвесь свет.

Навіны бібліятэк

Сярэдневяковая мініяцюра, злыя зайцы і маргіналіі: што гэта такое і дзе пра гэта чытаць

21 Чэр 2021

Вы любіце ілюстрацыі. Хто іх не любіць? Малюнкі заўсёды засвойваюцца куды прасцей і хутчэй, чым шматстаронкавыя тэксты, а калі яны яшчэ і для вока прыемныя, задавальненне вырастае ўдвая. Так думалі і людзі ў Сярэдневякоўі, а таму шчодра дадавалі ў свае кнігі каляровыя мініяцюры. Вы пэўна бачылі некалькі такіх – шалёныя зайцы з дзідамі, ціхамірныя людзі ў дзіўных позах, рыцары змагаюцца са слімакамі... Давайце разбяромся, чаму кніжная мініяцюра такая незвычайная.

Аўтарскі погляд

21 Чэр 2021

Кнігі маладой пісьменніцы Ганны Чыж-Літаш — адны з самых запатрабаваных у чытацкай аўдыторыі. Актуальныя праблемы, якія ўзнімае аўтарка, — пошукі сэнсу жыцця, сяброўства, любові, сябе — нікога не пакідаюць абыякавым, таму што кожны так ці інакш штодзённа мусіць іх вырашаць, адказваць на спрадвечныя пытанні ўласнымі ўчынкамі. Паказаныя праз простыя сюжэты і немудрагелістыя дыялогі, апісаныя ў сітуацыях, у якія можа трапіць кожны, — гэтыя праблемы спрыяюць раскрыццю ўнутранага свету сучаснікаў, праз што яны становяцца блізкімі і зразумелымі чытачам любога ўзросту.

Навіны бібліятэк

Заснавальнік фармацэўтычных навук у Беларусі

21 Чэр 2021

21 чэрвеня спаўняецца 280 гадоў з дня нараджэння вядомага французскага вучонага-энцыклапедыста, доктара медыцыны, прафесара Жана Эмануэля Жылібера (1741‒1814), які па праве лічыцца заснавальнікам фармацэўтычных навук у Беларусі. Ён стварыў і некалькі гадоў узначальваў першую вышэйшае медыцынскую ўстанову на тэрыторыі сучаснай Беларусі – Гродзенскую медыцынскую акадэмію.

Па старонках беларускага календара

Аўтару “Флоры Літвы” – 280 гадоў

21 Чэр 2021

21 чэрвеня 1741 г., роўна 280 гадоў таму, нарадзіўся сусветна вядомы французскі вучоны, батанік, лекар і педагог Жан Эмануэль Жылібер. Навуковая дзейнасць знакамітага натураліста была цесна звязана з тэрыторыяй сучаснай Беларусі. Менавіта ён стаў заснавальнікам “Цэнтра медыцынскай адукацыі і медыка-біялагічных навук” у Гродна і аўтарам навуковай кнігі “Флора Літвы”.

Навіны Нацыянальнай бібліятэкі Беларусі

Бібліятэкарам
111