ГалоўнаяНавіныНавіны Нацыянальнай бібліятэкі Беларусі
Музейна-адукацыйная праграма “Якуб Колас – за навуку!”
Чвэрць стагоддзя з Паднябеснай: 25 гадоў беларуска-кітайскім адносінам

Літаратурныя чытанні “Зімовая паэзія”

Літаратурныя чытанні “Зімовая паэзія”
Іншыя навіны

25 студзеня ў дзіцячым пакоі бібліятэкі прайшлі літаратурныя чытанні “Зімовая паэзія”.


Зіма ў вершах рускіх паэтаў задуменная і велічная. Яна, нібы сама каралева зімовага царства і валадарка завей і віхур, чаруе і вабіць сваёй прыгажосцю і пышнасцю. Прырода стаілася і спіць, схаваўшыся пад беласнежнае покрыва, а зіма вызваліла сілы вятроў і маразоў, што ахапілі ўвесь свет ледзянымі аковамі.

Радкі зімовых вершаў рускіх паэтаў напоўнены прыгажосцю і зачараваннем. Юныя ўдзельнікі мерапрыемства апынуліся ў чарадзейным свеце рускай паэзіі, прачытаўшы вершы Аляксандра Пушкіна, Афанасія Фета, Івана Буніна, Сяргея Ясеніна.

Натхніўшыся цудоўнымі паэтычнымі радкамі, дзеці намалявалі ілюстрацыі да прачытаных твораў. Падарункам для юных наведвальнікаў стала кніжачка з з вершамі пра зіму.

Навіны

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Як падрыхтавацца да сесіі з дапамогай віртуальнай чытальнай залы НББ

15 Сту 2021

З чым у вас асацыюецца студзень? Хтосьці пры згадванні гэтага зімовага месяца адразу адчувае водар ігліцы, цытрусавых і атмасферу яркіх вечарын. А нехта – асабліва ў студэнцкія гады – не можа пазбавіцца думкі, што гэты час – суцэльныя дэдлайны, аўралы і сесія.

Бібліятэка анлайн

Акно ў мінулае: адкрыты доступ да электроннага інфармацыйнага рэсурсу “Станаўленне і развіццё бібліятэк Беларусі: архіўныя дакументы”

15 Сту 2021

Як адбывалася станаўленне беларускіх бібліятэк у першай палове ХХ стагоддзя? Хто мог стаць бібліятэкарам? Што такое чароўны ліхтар? Чаму першы дырэктар Беларускай дзяржаўнай бібліятэкі І.Б. Сіманоўскі прапанаваў паменшыць плошчу, адведзеную пад яго кватэру? Для чаго супрацоўнікі бібліятэкі вызваляліся ад працы на тэрмін да 3 дзён? Адказ на гэтыя і многія іншыя пытанні можна знайсці ў новым рэсурсе Нацыянальнай бібліятэкі Беларусі.

Бібліятэка анлайн

Гісторыя супервокладкі: ад скрынкі да рэкламы мыла і далей

14 Сту 2021

Паглядзім праўдзе ў вочы: выбіраючы кнігу, мы ўсе звяртаем увагу на вокладку. Кніжны дызайн цяпер набірае абароты, бо заўсёды прыемна мець прыгожа аформленую хатнюю бібліятэку. А зараз падумайце: колькі з вашых кніг захавалі супервокладкі? Што адбываецца з імі пасля куплі? Вы пазбаўляецеся ад іх, пакідаючы кнігу ў першапачатковым выглядзе, ці, наадварот, захоўваеце больш маляўнічую абгортку дзеля эстэтыкі?
Мы ўжо разабраліся з тым, чаму кнігі прамавугольнай формы і як яны сталі ўніверсальным падарункам. Самы час узяцца за супервокладку!

Аўтарскі погляд

Сэлфі ў музеі кнігі

15 Сту 2021

У студзені ў розных краінах свету праходзіць акцыя “Сэлфі ў музеі” (Museum Selfie Day), мэта якой – прыцягнуць увагу да музеяў і іх экспанатаў. Менавіта таму кнігазнаўцы Нацыянальнай бібліятэкі Беларусі зрабілі сэлфі на фоне сваіх улюбёных кніжных помнікаў у музеі кнігі.

Навіны Нацыянальнай бібліятэкі Беларусі

Бібліятэкарам
111