ГалоўнаяНавіныНавіны Нацыянальнай бібліятэкі Беларусі
“Наперадзе Парыж, за вокнамі Еўропа”: свежы погляд галерэі “БРАМА”
Літаратурныя чытанні “Зімовая паэзія”

Музейна-адукацыйная праграма “Якуб Колас – за навуку!”

Музейна-адукацыйная праграма “Якуб Колас – за навуку!”
Іншыя навіны

Музей кнігі бібліятэкі да 135-годдзя з дня нараджэння Якуба Коласа ў Год навукі прапануе музейна-адукацыйную праграму для школьнікаў пачатковых класаў.


Якуб Колас пакінуў яркі след у беларускай дзіцячай літаратуры. Свой шлях дзіцячага пісьменніка ён пачаў у 1909 г. выданнем кнігі “Другое чытанне для дзяцей беларусаў”. З таго часу на працягу амаль 50 гадоў ён плённа працаваў на ніве дзіцячай літаратуры.

У аснове праграмы “Якуб Колас – за навуку!” – дзве кнігі класіка: “Другое чытанне для дзяцей беларусаў” (1909) і “За навуку!” (1976). Курс прадугледжвае чатыры сустрэчы – чатыры дні навукі (“дзень навукі” – як у апавяданні “Школа” ў кнізе “Другое чытанне для дзяцей беларусаў”). Кожны “дзень навукі” будзе знаёміць дзяцей з новымі вершамі і апавяданнямі Я. Коласа і будзе для іх пазнавальным, цікавым і інтэрактыўным.

1-я сустрэча – “Першы дзень навукі”
Вучні даведаюцца пра жыццё Я. Коласа, пра тое, што ён быў настаўнікам і пісаў кніжкі для дзяцей. Знаёмства з апавяданнем “Школа” дазволіць ім параўнаць школьнае жыццё ў мінулым і сёння.

2-я сустрэча – “Другі дзень навукі”
Апавяданне “Як выдумляюцца страхі” раскрые сакрэт з’яўлення страхаў у людзей. Падчас актыўнай размовы вучні высветляць, чым пужалі дзяцей ў мінулым і цяпер. Элементы арт-тэрапіі, якія будуць выкарыстаны на занятках, кожнаму дадуць алгарытм пазбаўлення ад свайго страху.

3-я сустрэча – “Трэці дзень навукі”
Чаму вучаць нас казкі? Дзеці паразважаюць на гэтую тэму, калі прачытаюць казку “Дурань” і пашукаюць адказ на пытанні: што такое розум і як яго развіць.

4-я сустрэча – “Чацвёрты дзень навукі”
Вершы спрыяюць развіццю прыгожага маўлення і памяці. Кожны вучань зможа паспрабаваць свае сілы ў дэкламаванні верша “На рэчцы зімой”.

Кантактная інфармацыя і папярэдні запіс на заняткі:
Ірына Аляксандраўна Юдзіна
, бібліёграф навукова-даследчага аддзела кнігазнаўства,
тэлефоны: (8 017) 293 26 11, (8 029) 271 07 73,
е-mail: yudzina.art@yandex.ru

Навіны

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

Больш, чым пісьменнік: адкрылася выстаўка “Княства вобразаў і слоў” (+ відэа)

26 Ліс 2020

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Навіны Нацыянальнай бібліятэкі Беларусі

У бібліятэцы прайшло пасяджэнне калегій міністэрстваў культуры Беларусі і Расіі

27 Ліс 2020

26 лістапада ў Нацыянальнай бібліятэцы Беларусі адбылося сумеснае пасяджэнне калегій Міністэрства культуры Рэспублікі Беларусь і Міністэрства культуры Расійскай Федэрацыі.

Навіны Нацыянальнай бібліятэкі Беларусі

#BelBookChallenge 2020 – на старт!

27 Ліс 2020

Калі вы даўно хацелі бліжэй пазнаёміцца з сучаснай беларускай літаратурай, але Сусвет усё ніяк не падаваў вам знак, то – вось ён! З 26 лістапада па 6 лютага ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Навіны Нацыянальнай бібліятэкі Беларусі

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!

25 Ліс 2020

25 лістапада на XXIV Агульным сходзе членаў некамерцыйнага партнёрства “Бібліятэчная асамблея Еўразіі” (БАЕ) прайшлі выбары прэзідэнта.

Навіны Нацыянальнай бібліятэкі Беларусі

111