29 кастрычніка ў галерэі “Лабірынт” адбылася лекцыя-канцэрт “Музыка Сярэбранага веку” з цыкла “Прагулкі скрозь стагоддзі”.
Адным з самых наватарскіх, правакацыйных, стракатых, але ў той жа час горача любімых многімі меламанамі стаў перыяд Сярэбранага веку. Сімвалісты, прадстаўнікі гэтага напрамку, усёй душой імкнуліся да ідэальнага і містычнага, узнёслага і экстатычна-ўсхваляванага. Асаблівае адчуванне свету гэтага часу вельмі дакладна змаглі перадаць кампазітары і музыканты мяжы ХІХ–ХХ стагоддзяў.
У праграме канцэрта прагучалі вядомыя фартэпіянныя і ансамблевыя творы мініяцюрнай формы А.К. Лядава, А.К. Глазунова, М.К. Метнера і Р.М. Гліэра, а другое аддзяленне цалкам было прысвечана музыцы гігантаў Сярэбранага веку – С.В. Рахманінава і А.М. Скрабіна.
Запрашаем усіх жадаючых на наступны канцэрт “Тысяча абліччаў мадэрну”, прысвечаны розным культурным плыням канца ХІХ – першай паловы XX стагоддзя. Прагучыць музыка К. Дэбюсі, Б. Бартака, А. Шонберга і іншых кампазітараў. Сустрэча адбудзецца 26.11.2022 у 15.00.
Тэлефон для даведак: (8 017) 293 27 52.
Матэрыял пададзены аддзелам абслугоўвання спецыялізаванымі фондамі.