23 сакавіка ў Магілёўскай абласной бібліятэцы імя У.І. Леніна адбыўся Дзень адкрытых дзвярэй у рамках Тыдня дзіцячай і юнацкай кнігі “Кніга збірае сяброў”.
Акцыя прысвечана 500-годдзю беларускага кнігадрукавання, 750-годдзю горада Магілёва і Году навукі. Шматлікія мерапрыемствы садзейнічалі фарміраванню і папулярызацыі спрыяльнага іміджу бібліятэкі.
Урачыстае адкрыццё атрымалася яркім, цікавым і насычаным. У ім прынялі ўдзел дзіцячыя творчыя калектывы горада Магілёва. Дырэктар Магілёўскай абласной бібліятэкі Ілона Уладзіміраўна Сарокіна ўручыла юным карыстальнікам дыпломы “Лепшы чытач 2016 года”.
Загадчык сектара навукова-даследчага аддзела кнігазнаўства Нацыянальнай бібліятэкі Беларусі Таццяна Андрэеўна Сапега правяла для дзяцей культурна-асветніцкія заняткі “Францыск Скарына – наш слаўны першадрукар”.
У гэты ж дзень таксама адбыўся бібліямарафон “Землякі чытаюць Я. Купалу і Я. Коласа” з удзелам магілёўскіх паэтаў, навучэнцаў вучэбных устаноў горада, інфармацыйная гадзіна “Я з вогненнай вёскі….” да 90-годдзя Алеся Адамовіча і іншыя мерапрыемствы.
У бібліятэцы арганізаваны выстаўкі:
да 500-годдзя беларускага кнігадрукавання:
- “Імя яго гучыць у стагоддзях” (Ф. Скарына)
да 750-годдзя горада Магілёва:
- “Горад – змагар, патрыёт, працаўнік”
- “Город, устремленный в завтра” (гісторыя, сучаснасць і перспектывы развіцця)
- “Великое наследие храня” (да 150-годдзя заснавання Магілёўскага абласнога краязнаўчага музея імя Е.Р. Раманава)
- “Знайсці ў звычайным прыгажосць” (да 35-годдзя адкрыцця Магілёўскага мастацкага музея В.К. Бялыніцкага-Бірулі)
- творчыя работы цыкла “Горад майстроў”
да Года навукі:
- “От безумных идей до великих открытий” – выданні пра Нобелеўскую прэмію і яе лаўрэатаў, гісторыю стварэння пэўных прыбораў, машын і прадметаў, гісторыю дзіцячых вынаходак, якія выкарыстоўваюцца цяпер, – ахоўныя навушнікі ад холаду, фруктовы лёд, шрыфт Брайля, пластылін, магнітныя налепкі
- “За рулем машины времени” – навукова-папулярныя кнігі пра загадкі вялікіх дзяржаў, таямніцы жыцця людзей далёкага мінулага, палкаводцаў і цароў, пра рытуалы і традыцыі, адносіны да ежы і г.д.
- “Свет научения книжного” – выданні ХІХ – першай паловы ХХ ст. па розных галінах навукі, напісаныя вядомымі вучонымі, прысвечаныя вядомым даследчыкам; навуковыя кнігі, выдадзеныя на тэрыторыі Беларусі
- “Магілёўшчына: сузор’е дзеячаў навукі” – вучоныя-землякі, якія ў розныя часы зрабілі значны ўклад у развіццё навуковай думкі ў розных галінах ведаў.
 |
 |
 |
 |
 |
 |
 |
 |
 |
 |
 |
 |
